ياما برنامج يستضيف ضيفان لما اشوفهم بيقفز على خيالى منظر مصارعه الديوك لما كانوا يجيبوا ديكان واحده شركسى ديل رقبته قرعه وطويله مع ديك فافى ويتلم حولهم المراهنون فى حلقه ويبتدى الديكان كل واحد فيهم يقطع التانى تجدهم فى اعلب برامج هذه الايام بيعملوا كدا جايبين واحد شركسى اقصد واحد ملتحى كاان كل الاسلام اختزل فى هذا الكائن وواحد تانى جالس امامه على الترابيزة ويقدمه المذيع على انه مفكر ليبرالى ويحمل هموم الوطن على كتفه ويبتدى الديكان اقصد الضيفان فى التراشق بكلمات بينهم كل طرف فيهم عاوز زى مابيقولوا يركب الجلسه يركبها على حساب الغلبان اللى قاعد بيتفرج عليهم وطبعا ولا هم ولا المذيع خسران اى شئ لاان كله سبوبه والعداد بيعد.
تقلب المحطه تلاقى مذيعه شكلها لسه طالعه من ماتش غسيل مستضيفه فنانه ولقبن فنانه الفتره دى بيطلق على اى حد فى اى بتاع رقاصه سابقه مايمنعش ممثله فاشله وماله مطرب مكوجى ايه المانع وتبداء الحديث مع الفنانه او مايطلق عليه فنان ايه رائيك فى الثوره يبتدى الضيف الفنان يطرح افكاره الثوريه ويتحول من نقيض لنقيض كاان الناس مش عارفه مين دا وفكره ايه وحياته ماشيه ازاى بس يلا سبوبه بردوا التلفزيون لايراعى ان برامجه هدامه باستضافه هؤلاءاقزام كل مايهم المحطه التلفزيونيه اكبر نسبه مشاهده والاعلانات على حساب كل حاجه واى حاجه مش مهم تتكم القرف زهقتونا . ومن هنا لازم كل مواطن يجهوز غرباله يركبه تحت جمجمته فوق المخ علطول ويغربل كل كلمه يسمعها او خبر يقرائه وكل واحد يخلى باله من غرباله احسن يتخرم وقتها حايعدى سوسو وتراب لمخه ويبقى مهلبيه.
و ضمانا لحسن الاختيار لازم نعيد ترقيع للغربال وسد فتحاتحه حتى لايمر منه افاق ولص كما كانوا يمروا منه بسلاسه من قبل حانجيب ابو حنجره عاليه على ابو دقن طويله على ابو لسان زاللف على من يدعى العبقريه وطبعا بينهم كام واحد فهلوى وحلنجى وطبعا مش حاننسى المتحولون معاهم الاقليه التى نعتقدانهم صالحون لكن بما اننا مررنا بتجربه اليمه قبل سقوط الاقنعه عن الرئيس السابق ومجموع وزرائه وحاشيته الذين يشرفون الان بورتو المزرعه والذن تسببوا فى ظاهره الشك فى الكل والوسواس القهرى الذى سكن غالبيه الشعب المصرى نتيجه مامررنا به من تجربه سوف تظل محفوره داخل ذاكره الاجيال القادمه لفتره ليس بقصيره . فمن الضرورى جدا ان نحضر الغربال ونغربل كل هؤلاء المتقدمون فى كافه المجالات من اول المرشحون لرئاسه البلد الى اعضاء مجلس الشعب والوزراء وصولا لااصغر موظف ممكن نتعامل معه لابد ان نغربل الكل ونستبعد الشوائب التى ستتبقى داخل الغربال ونرميها فى النفايات ونتاكد من حرق الكراكتر الكامل لهذه الشخصيات النتنه . ومافيش مانع ان نحضر هون مع الغربال لزوم الفرز وكل من يعتبر من شوائب هذه الغربله ندق على راسه حتى نضمن انه لايقوى على الظهور ثانيه. احذروا ان يخرم الغربال ولازم يكون مشدود وفتحاته منظمه . صداع سياسى تدخل عند الحلاق وتديه راسك علشان يحلق الكام شعرايه اللى باقيه تلاقيه ملئ راسك سياسه وتحليلى ولا عبقرينوا يقول اصل فلان دا عنده كريزما وفلان دا مش عنده بس دا كلامه حلو يريح ودا مش شيك ودا عبقرى بيقول حايخلى الشعب كله غنى تطلع من عند الحلاق تركب مواصلات تجد السائق يسئلك رايح فين حضرتك اقوله شارع سعد زغلول اجده يبتدى يفتح غربال حنجرته يقولى فين ايامه الباشا الكبير سى سعد هو كان فى زييه سعد باشا زغلول عاوزين واحد زييه دلوقتى يكن طويل وصاحب بالطو شيك ويكون صريح يقول مافيش فايده فى عين التخين ويلتفت لى ويقولى ولا انت ايه رائيك يااستاذنا بيكون عندى اختيارين يااما ارد عليه واوضح ان الزعيم سعد زغلول زعيم وطنى مش كل مؤهلاته عباره عن طوله والا كان الهلف احمد نظيف بطوله كان يبقى افضل منه لكن الزعيم سعد زغلول كان رجل له فكره فى ظروف كانت صعبه تمر فيها البلاد ياما اختار الرد التانى واقوله اها واسكت يلاحقنى يقولى شوفت مورته اقوله مين مورته يقولى دلع مرتضى منصور ال ايه م-مرشح نفسه للرئاسه وقبل ماارد ينقل بسرعه للااخبار الرياضيه يقولى اهو الزمالك اتعادل لما نشوف الاهلى حايعمل ايه اسرح اقول ياعينى على الزمن اللى يخلى واحد زى ماقلى السواق مورته او مرتضى منصور يتجرأ ويقدم على ترشيح نفسه هو يعنى نخلص من حرامى لما يطلع لينا طبال يقول من اول يوم فى الثوره وفى التحرير احترموا عقول واعصاب الناس ------- اكرر واناشاد كل واحد يحلى باله من غرباله . بس خلاص وللحديث بقيه
ليست هناك تعليقات:
إرسال تعليق