من شويه جانى خيال طيفى متضايق اوى ومتنرفز بقوله خير مالك النهارده متعكنن ليه كدا قالى كل مااشوف اى محطه واقراء جرايد استغرب من كم المنافقين والفاسدين اللى يقولوا لمبارك احنا اسفين واللى عاوز يعمل له عيد ميلاد هى الناس دى تركبيتها ايه غير كل البشر مافيش عندها اى مبادئ . وتلاقى زيهم فى معظم الدول قولت ليه ولاتزعل نفسك نعمل ليهم وزارة . سكت وازمهل شويه خيال طيفى قالى وزارة وزارة ازاى . قولت له نعمل لهم وزاره الاباحة ونجيب للوزاره دى وزير منافق او سافل من اياهم اللى انت عارفهم اللى كل شوية ينط بوجهه القبيح ويقول معايا سى دى ووراها فاصل من الردح وقله الادب اهوه نعينه وزير الاباحه وحاتبقى وزاره نشطه تلم موظفين من بتوع اسفين ياريس ومش حاننسى كمان القاعده الكبيره من فاسدى الحزب الواطى حايكونوا قاعده كبيره وطبعا مثيرى الفتن على حبايبنا بتوع امن الدوله سابقا حتلاقى خبراتهم حلوة فى السفاله وقله الادب وتبقى الوزاره دى مقفوله على اعضائها وبكدا يبقى ضربنا عصفورين بحجر رد خيال طيفى قالى ازاى----- قولت له يبقى اتجمعوا فى وزاره خاصه بيهم يمارسوا فيها سفالتهم وطبعا حايبقى فى تدرج وظيفى فيهم تبدأ من ابيح تحت التدريب الى ابيح اول وبيح تانى وصولا الى سافل ويسلام لما يتعمل ليهم قاعات مؤتمرات خاصه بيهم يجتمعوا وكل واحد يفرغ طاقته فى مؤتمرهم من الاباحه --------- واهو بدل ماكانو بيبعوا كرامتهم ببلاش نبقى نلم ليهم شويه فلوس من الدول المسانده للفتن والاباحه ويبقى ليهم صندوق للمرتبات يدفع ليهم بدل كرامه ويتوزع على بطاقتهم كام كورس سفاله كل شهر واى واحد فى الوزارات الشريفه يكون عنده احباط يتصل على الخط الساخن لوزاره الاباحه ديلفرى يعنى يقوله ابعتلى كام واحد من عديمى الكرامه من بتوع انا اسف ياريس اطلع فيهم غلبى ويسلام كمان ممكن يتاخد منهم شويه للعلاج النفسى يتعينوا فى مصحات العلاج النفسى بوظيفه هايف او سافل او معدوم الكرامه والمريض اللى عنده ميول عدوانيه يلطش فيهم اهو كام قفا على كام شلوت على شويه ردح وبكدا يبقى الطرفين استفادوا المريض طلع كم الكبت اللى جواه وموظف الاباحه اخد جرعه منشطه من هضم كرامته لاانه مايقدرش يعيش بكرامه وشرف . وبكدا نبقى ضمنا البعد عن قرفهم وشرورهم ويسلام لما نبعت حد منهم يبقى عضو فى الجامعه العربيه علشان اول ماحد يقول اشجب او انبذ على الضرب الاسرائيلى المتعمد على الاخوة الفلسطنين يطلع الابيح وينطلق فى وصله سفاله يسب كل من يكتفى بالشجب مش علشان هو وطنى بيسبهم لاانه حاسس ان فى منافس ليه بس بشكل واسلوب تانى
هناك 7 تعليقات:
فكره جميله لو تتحقق يريحونا وياريت تضم لهم السفله اللى عايزيين يحربوا البلدبالفتنه والبلطجه بس دول ودول مش عايزين وزارهدول عايزين اسفه عن التعبير مقلب زباله زى الخنازير
اميره
ههههه استاذي العزيز ممكن اطلب دليفرى لاني بصرااااحة متغظة جداااااااااااا من اللي بيحصل ليييييييييه ناسين المعتصمين اللي بيطالب بتدخل اجانبي في بلدنا حطينا كل همنا في اللي كان اللي كان كان اكييييييييييييييد انتهى بلا رجعة ما بقش خوف منه الخوف من اللي جاية و اللي مقدمته بدائت استاذي العزيز قلمك بهارني من قدرته على التعبير بارك الله فيك (( زهرة اللوتس ))
ههههه استاذي العزيز ممكن اطلب دليفرى لاني بصرااااحة متغظة جداااااااااااا من اللي بيحصل ليييييييييه ناسين المعتصمين اللي بيطالب بتدخل اجانبي في بلدنا حطينا كل همنا في اللي كان اللي كان كان اكييييييييييييييد انتهى بلا رجعة ما بقش خوف منه الخوف من اللي جاية و اللي مقدمته بدائت استاذي العزيز قلمك بهارني من قدرته على التعبير بارك الله فيك (( زهرة اللوتس ))
ههههههههههههههه خيالك خصب و اللهى حتبقى أنجح وزاره فى الدنيا و وزيرها أنجح وزير و الدخل مضمون ... يعنى وزاره قبيحه و متريشه
^ـ^
كُنت هُنآ أخِي .,
لروحك الوررد
ههههههه....تفتكر يا نادر ان وزارة واحده تكفي تلم كل الاباحه والسفاله والنفاق وقله الادب؟؟؟ انا بااقترح جنب الوزارة نعمل كام جهاز علي كام مركز تابع للوزارة وندرب فيها الابيحين الصغيرين علشان اما يكبروا نعمل دوله النفاق والاباحه
تحياتي لطيف خيالك الراجل ده تعبان معانا اوي من ساعه ما بدأ يظهر بس انا قلقانه عليه يجيله اكتئاب من كل اللي بيشوفه
صدقت اخى الكريم قلمك ساخر جرئ (فهد)
إرسال تعليق