الثلاثاء، 21 فبراير، 2012

نداء العقل



توقف ولاحظ مايدور الان بكل شبر فى الوطن العربى  من ضعف وهوان وجوع وامراض  وسيطره قله فاسده على مقدرات واحلام الشعوب العربية  جميعا  ------ استفزنى جدا  مايروج له الان  بكلمه رئيس توافقى لمصر هل  تثور الشعوب من اجل  فئه  من فلول الفاسدون لتنتقى لها رئيس توافقى وتروج له وتقوله  لشعبها هذا  المطروح امامكم  ----  بالتاكيد ان هؤلاء  فلول حكم مبارك الفاسد  من يتبنون  هذه الفكره  ---  ياساده  مصر  ينتظرها باقى الدول العربية الشقيقه  يتابعون مايحدث وماسوف تؤول له الامور لاان مصر هى قلب ودرع الامه العربية جمعاء  لايجوز ان  نروج  لرئيس توافقى كل الشعوب العربيه تنتظر رئيس مصرى قومى يقود الامه كامله الى بر النجاه والوحده والقوة والكرامه -----  فلا مجال هنا  لتوافقى ليرضى عنه الخبثاء من اتباع  الفاسدون او العملاء التابعون لاامريكا او اسرائيل  -----  ياساده وطننا العربى غنى وموارده كثيره  واهم موارده شبابه   مطلوب زعيم  ليس  لقياده مصر فقط  لكن  ليقود الامه العربيه جميعها -------  فانا انتظر  اول خطاب  للزعيم  ن  يفتتحه  بقوله تعالى ( وأعتصموا بحبل الله جميعا ولاتفرقوا) وان  يضع اليات الاتحاد العربى  وان يفتح باب الانضمام لدول الاتحاد العربى على اسس  1:  فتح الحدود  العربيه بين دول الاتحاد  2: توحيد العمله والاستغناء  عن اليورو او الدولار وانشاء  بنك  الوحده العربية  3:  بناء  جيس الاتحاد العربى  متسلحا باحدث التقنيات العسكرية ومدرب  تدريب  عالى  4 :  عمل الدراسات الككامله  لااعاده استغلال الموارد الطبيعيه بكل شبر من دول الاتحاد العربى والغاء الاعتماد على اى دخيل اجنبى  5: الاكتفاء الذاتى  فى الزراعه والصناعه  6: اقامه مراكز الابحاث  الخاصه بالاتحاد العربى  فى شتى المجالات تحت اشراف اكبر نخبه من العلماء العرب وليس الاجانب  7 : الحس على التزواج وتخالط الاجناس بين  دول الاتحاد العربى لتقويه الاواصر الاسريه وليصبح الجميع نسيج واحد ---------  لايوجد  شئ   صعب  نحن نمتلك  كل  الادوات  لهذا الانجاز لنصبح اقوى من الاتحاد الاروبى او الاتحاد الامريكى   فنحن  نمتلك  وحده اللغه  وحده الديانة   تشابك الحدود  قوه الموارد  القوة الماليه  لتنفيذ المشاريع  نمتلك  قوة   عقول العلماء العرب  وصفوه الشباب  ----------- ماذا ينقصنا؟؟ ينقصنا الضمير للتنفيذ والبعد عن الاهواء والمصالح الشخصيه  ------  ينقصنا استئصال الفاسدون الذين  زرعهم الاستعمار --ينقصنا  الاراده والتحدى  --------  لامجال  لرئيس توافقى   المجال الان مطروح  لرجل  هذه الحقبه  يكون عبقرى فى  رؤويته طموح وله  نظره مستقبليه   لايخاف فى الحق  لومه لائم  حنون على المستضعفين من اهل الامه  قوى ومارد على الفاسدون
للااسف لااجد الى الان من بين المترشحون  هذا الشخص  ----------   كل مااتصفحهم  وابحث  عن اى برنامج لااى  منهم لااجد انه  يعبر عن مابداخلى .    وكل يوم اتابع ظهوره لااجده .  كنت اتمنى ان امتلك  الاصوت  التى تجعلنى اصل بصوتى  اذا اصريتم على الترويج  لرئيس توافقى  سوف ارشح نفسى لااخرص  الفاسدون خلف الستار الذين يروجون لاامتداد  الحال  كما هو عليه بفاسد جديد
وسوف ارشح نفسى حتى لو لاامتلك  سوى صوتى 

الخميس، 16 فبراير، 2012

دقة زار



اليوم اجتمعت انا وخيال طيفى واحضرنا البخور والذى منه بعد اتفاقنا على  عمل جلسه زار  بغرفه  مظلمه  لنحل الغاز  معوقات ثورتنا المصريه ونخرج من المتاهه  دى التى وضعنا فيها  مجلسنا العسكرى ------ فى  سكون الليل اشعلنا البخور وتمتنا  بترانيم  استجلبها خيال طيفى  كتاب قديم  استوقف خيال طيفى وقولت له  يجب ان نعرف  من  سوف نحضر روحه  ونستشيره  اقترح  على اسم محمد على  سئلته  لماذا محمد على تحديدا  لما لانستجلب  صلاح الدين --- او  جمال عبد الناصر   ---  اجابنى اسمع كلامى  نجرب محمد على اولا وافقته  وانا محتار ماسره  بهذا الاختيار  ----- وشرعنا فى تكمله الذار  وماان فرغنا من التمتمه  اذا بصوت غليظ  بجنبات الحجره  يهتف ويقول  سيس سيس من استدعانى من نومى العميق  --- ارتعدنا من الرعب  انا وخيال طيفى  لبرهه تماسكنا بعدها واجبت هذا  الصوت انا  ياسيدى  استدعيتك انا مواطن  مصرى ----- اقترب منى الصوت  هامسا  بنبره حزينه  ---- حزينا انا على مصر  تركتها  وهى  فى ابها  عصر وكان مقرر لها تقود العالم --- اجبته نعم سيدى لقد افسد فيها  حسنى بن مبارك وعاس فيها فساد هو وحاشيته  من الابالسه الفاسدون  نهبوا من كل خيراتها وسفكوا دماء شبابنا والان نحن فى ثوره  يصيبها الجمود ----  ولقد قررنا نستدعيك لتشور علينا مشورتك  --------------  قال  عليكم بالمذبحه أتذكرون مافعلته بالمماليك  جمعتهم كلهم  بقلعتى  وتخلصت منهم بضربه واحده واقتلعت جذورهم وتفرغت بعدها  لبناء مصر  ----- عليكم بمحاكمات ثوريه ولاتتهاونوا فى حقوقكم اجمعوا كل الفاسدون واعدمهوم لاان وجودهم تحت اى بند خطر  على  بلادنا ----  قلنا  له كيف والان يدير المرحله الانتقاليه المشير ------ قاطعنا وقال   هذا المشير الم  يكن خادم  لكبيره الحقير وساعده  على  فساده ولم  يتفوه على مدار السنسن  لاتثقوا  بهذا الملعون هو ومجلسه المشؤم  سوف  يلتفتنون عليكم  ليجهزوا  شيخ منصر جديد  يحموه  ويكبروه ليكون فاسد جديد  احذروا  منهم  لابد من التطهير  وبعدها يتم التغير --- والان دعونى  ارحل بوعد ان اعود اليكم  ثانيه للتبصير  مع دعواتى لكم  بالنصر المجيد ونصيحتى لكم لاتتركو ميدان التحرير والى القاء  -----------  لموعد   ثانى قريب

الثلاثاء، 14 فبراير، 2012

خير اللهم اجعله خير



اليوم قررت  ان  اسافر من الاسكندرية الى القاهره  بالقطار فائق السرعه لزياره  صديق  ركبت القطار من محطه سيدى جابر الدوليه  ويافطه الكترونيه تشير ان موعد قيام القطار من الاسكندريه ال 10 صباحا بالتمام والكمال وموعد الوصول الى محطه رمسيس الساعه 10.35  اى بعد 35 دقيقه وماان ركبت القطار ودخلت العربه المخصصه لى وجلست على الكرسى  لاافتح الكمبيوتر الملحق بالكرسى لااتابع البورصه واقراء  بعض الاخبار وكان اهمها مصر تقدم معونه عسكرية وغذائيه  الى كلا من الاتحاد اروبى وامريكا بقدار  20 مليار  جنيه مصرى وخبر صغير كنت افتش عنه   فى قائمه اسعار الذهب اليوم  كيلو الذهب  عيار  24  فائق الجوده المصرى بسعر 200  جنيه مصرى  وماان  انتهيت    من الخبر اذا بالقطار   يصل الى محطه رمسيس فى موعده نزلت من القطار لااركب  سياره اجره من طراز  مرسيدس واخبرت السائق انى متجه الى  مدينه نصر  مااروع  الشوارع بنظافتها والمبانى المنسقه وسيوله المرور الرائعه وااجمل منظر الشجر والخضره  على جانبى الطريق  ولما لا ومصر حصلت على المركز الاول عالميا  فى الجمال والروعه  وهذا مما دفع السائحون  ان يزوروا مصر  شنويا بمقدار 100 مليون سائح  ماان وصلت لصديقى  اخبرنى انه  يعزمنى ان نذهب  نعمل بعض الشوبينج  من سنتر حديث  بسيناء  قولت  له  هذا  حايتطلب ان  نسافر  ساعه  فى القطار من مدينه نصر الى هناك  قال لى  ممكن نوفر الوقت ونركب الطائره الهليوكبتر الخاصه به اشتراها لقطه  من اسبوع من  المصانع الحربيه فى  نخفيض  استقلينا   طائرته مااروع منظر مصر من الطائره  تنسيق  فى كل  شئ  بمنظر  ساحر خلاب  الخضره والمبانى الجميله  تزين كل  شبر بسيناء  قولت له  المنظر دا جميل لكن  فاتك انت ترى الصحراء الغربيه  وسيوه  فيها جمال  ارقى من هذا  كنت هناك من اسبوع  هبطنا معا  فى  سطح الهايبر  ونزلنا نتسوق  وادخلت الكريدت كارد  فى ماكينه الصرف  لااسحب  25 الف جنيه مصرى  مايعادل 250 الف  يورو لااشترى سياره بورش موديل 2013 واخبرت صديقى انى  سوف اعود الى الاسكندريه بسيارتى الحديثه  بعد ان دخلت على الانترنت وسجلتها  واخذت  رخصه  القياده الخاصه بها رجعت الى الاسكندريه  على موعد الغذاء ز بعد الغذاء  قولت  اخد   ساعه قيلوله  واذا انا نائم   اد  بى اسمع  صوت خناق وعراك بين اشخاص  صوتهم عالى واطلاق نار    اعتقدت  انى نسيت  اغلق التلفزيون على  فيلم اكشن  لكنى فتحت  عينى لااجد التلفزيون يذيع  بيان من المجلس العسكرى  لابد  للشعب  ان  يترك المظاهرات ولاعتصمات من اجل عجله الانتاج وخبر براءه مبارك وحاشيته وخبر فوز الاخوان  بمجلس الشورى والمحليات والمحافظات  بعد  فوزهم بمجلس الشعب  لم اصدق نفسى وهرولت الى النافذه  لااستطلع سبب الخناق لااعلم ان مجموعه من الاشخاص تقاتلوا امام  الفرن من اجل الحصول  على رغيف عيش  وقتها اكتشفت انى كنت  احلم  حلم جميل  ------------- وسوف  اتمسك انا وكل مصرى بحلما وثورتنا  مستمره  ------  ويسقط يسقط حكم العسكر

الاثنين، 13 فبراير، 2012

المارد المصرى


قديما فى امثالنا المصريه  كنا نسمع المثل القائل اللى يحضر عفريت لازم  يعرف  ازاى يصرفه -----  تذكرت هذا المثال مع الفرق ان شعبنا المصرى ليس بعفريت  لكنه شعب  صبور مارد  قوى وينطبق عليه مثل اتقى شر الحليم اذا غضب وشعبنا  شعب حليم طيب وصبور  وصل لذروه الغضب من حكامه  الفاسدون الذين طالما   نهبوا من خير  مصر واستحلوا  اموال الشعب وكرامتهم  على مدار السنين ز لقد قام المارد المصرى يوم 25 يناير 2011  بثوره عظيمه  ولن  يعود  هذا المارد  ثانيه الى  صمته  لاان  رصيد الصبر  قد نفذ .الفساد فى مصر  قد  شاخ ومريديه اصبحوا من الخناشير الذين تصلبت عقولهم على ادوات الفساد الباليه التى لاتخيل على هذا الجيل الشاب الواعى . وانا  اخاطب نفسى اذا بخيال طيفى يقفز فجاءه ويهامسنى  ياترى ماهى ادوات واليات الفاسدون على مر  الفترات الزمنيه الماضيه حتى نتلاشها  مستقبلا  ----- فكرت لبرهه وانا استرجع  بذاكرتى بعض هذه الادوات  ووجدت  داخل  ذاكرتى البعض منها واحاول ان استرجع  باقى هذه الادوات لكن اهم ماوجدته من ادوات  الفاسدون او مايسمى الاستعمار الداخلى  هو المديا  --- التلفزيون نعم انه اداه رهيبه  يستخدمها  الحكام الفاسدون من مديا مقرؤه ومسموعه ومرئيه  ناخذ  على سبيل المثال  عصر الفاسد المخلوع مبارك  ماذا تم  فى عصره  عن قصد فى كل المديا المصرية  اولا  تم حجب كل الاغانى الوطنيه التى تربى الاجيال  على حب الوطن واحل محلها  الاغانى الهابطه  فى ظل غياب  رقابه متعمد  عن كل مايذاع ---- استبدال البرامج التى تثقف  الامه  امثال برامج العلم والايمان  للمرحوم دكتور مصطفى محمود واحل مكانها برامج وندوات كثيره بتركيز  عن  حلقات استضافه الراقصات  ليحكوا عن تاريخ حياتهم وكفاحهم  يقهقه خيال طيفى  ضاحكا  يقول نعم ---  اجيبه انعم هذا ماحصل  لاحظ  ان فى عصر مبارك ان تسليط الضؤ  اصبح  بنسبه 70 فى المائه على الراقصات المنحلات وعلى المغنيين  الشعبيين الهايفين  ويكاد كل  يوم لايخلو التلفزيون والجرائد من متابعه اخبارهم  حتى اصبح  هؤلاء  هم  نجوم المجتمع وقدوه  فلابد  لنا  لن لانهمل  هذا الجهاز اللعين   والتفت لخيال طيفى اخاطبه  اقول له تخيل حتى فى رمضان  تعمدوا  لغى معظم البرامج الدينيه  ليحل محلها فوازير  ورقص وندوات  يديرها  راقصات ومسابقات   هايفه  وحجبوا المسلسلات الدينيه والقراءت الدينيه  لم يكن هذا بمحض الصدفه  انه  كان مخطط  لهدم  عقول وطموح جيل  ياعزيزى ----ويداعب  ذاكرتى ماكان يسميه الشيخ  كشك  رحمه الله عليه   فكان يسمى التلفزيون بالمفسديون  لاان  هؤلاء الحكام   ستقطعوا من اموال الشعب على هذا الجهاز  حتى  يحاربو فكر الشعب  بتقاهه مايقدمه هذا الجهاز والى الان  اراه  لما يتطهر  وهذا بفعل اذناب النظام الذين يستمستوا على الحفاظ  على هذه الاداه الكاذبه حتى تجهض الثوره  ويشيعوا الاكاذيب  من خلاله الى الان ------   ثانى هذا الادوات  وهى كانت  مجلسى الشعب والشورى  فقد استخدمه مبارك  للدعاره السياسيه وتفصيل القوانين  التى تخدم الفساد واصبح مرتع  لكل المنافقون والفاسدون من اعضاء الحزب الوطنى وبعض المنتفعون الذين   ينتفعون من  اجواء الفساد  ارى الان خطوة ايجابيه   التى تم  فيها اقصاء فلول  الحزب الوطنى  بوعى شعبى  وليس  بحكم  تقيد لهم  -----  يباغتنى خيال طيفى بسؤال  ماذا  تعتقد فى رائيك كيف تستقيم الامور  ---- ارد  بدون تفكير وهل استئصال اذناب النظام الفاسد واستئصالهم جميعا  حتى لايفسدوا  قوة ونقاء  المارد  المصرى الجيل الجديد الثورى والى ان  يتم هذا الاستئصال  اقول لشبابنا  فى هذه الفتره  لاتصدق كل ماتسمعه وصدق  فقط نصف ماتراه  بعيونك لاان فى هذه الفتره  بجانب  فلول الفاسدون المنتشرون فى المديا وعلى  صفحات الانترنت تدافعت  قوة خارجيه وعلى راسها اسرائيل  للتلاعب   بفكر المواطن المصرى وقد انشاؤ مجموعات وجروبات  باسماء مصريه ويتكلموا بلهجه مصريه بارعه  ليعملوا على  اشاعه الفوضى . فعلينا جميعا ان  نفلتر كل مانقراءه ونسمعه ونراه  بعقولنا  وان  ننضم الى الجانب الذى  يفيد وطننا .  ولا ننسى ان فلول النظام  يستميتوا الان لتشويهه الثوره وثوراها  فتماسكوا يااهل مصر حتى نتخلص من  جل جيوب الفساد ولابد ان نركز فى الفتره القادمه على انتقال مصر للحكم المدنى وعوده العسكر الى ثكناتهم وتشريع قونين مغلظه  تصل الى احكام الاعدام على كل فاسد ومرتشى -----------واقول لكل  فلول وفاسد المارد المصرى لن  ينام والثوره مستمره ولن تهدأ -------- وللحديث بقية

الأحد، 12 فبراير، 2012

عصر الهيافه والهايفين



لم نكاد نصحو من كابوس فساد كل الحكام العرب الذين سقطوا بثورات الشعوب لنصحو على فاجعه اكبر  وخاصه فى مصر اكبر قوة بالشرق الاوسط نحاول الان جاهدين للتخلص من اذناب فساد مبارك وحاشيته فاذا بنا  نجد  تجمع  لمعظم الهايفين المتحولون بجرئه  للتقدم للترشح  لرئاسه مصر  الى الان  وانا اتفحص  معظم الترشحون لرئاسه اعظم واقوى دوله عربيه بالشرق الاوسط  لااجد  بين وجوههم من اتمنى ان  يمثلها يكون رئيس لها وهذا جرء امثال  عكاشه او  صاحب المليون سى دى او الجنرال السابق  بالجيش الذى لايخلو ملفه من الفساد  او الاسلامين الذين  سعوا  للترشح  خلافا لما  هو متعارف عليه  ان الخلافه لايطلبها مريدها  لكنها  تسعو اليه اتحسر كمدا مصر  صاحبه التاريخ مصر  عدد  سكانها قرب من 90 مليون الم اجد  وجها واحدا من كل هؤلاء  المتحولون الافاقين  للترشح  انا الى الان انتظر  من  يدخل عقلى ووجدانى للترشح  ومعياره عندى  ان  يكون اول خطوات برنامجه  كالتالى
مصر  دول غنيه  جدا  مش فقيره مثل مايصورها الافاقون  لابد  لمن  يحكم مصر الفتره المقبله ان يغلق صنبور الفساد الذى يستنفذ كل خيرات مصر  لكروشهم  وان  ياامر  بسن  قوانين  تصل  الى عقوبه الاعدام او تطبيق حد الحرابه على كل من افسد ويفسد ويرتشى حتى  لو كانت بضعه جنيهات  مصر  مواردها  كبيره وحصيلتها مرتفعه يدخل  بالموازنه العامه منها فقط  ربع ايراد مصر واكثر من الثلاث ارباع الايرادات  تدخل كروش الفاسدين فى الصناديق المغلقة  -------  عندنا جريمه  وعندنا   كل اسماء كل من  شارك فيها  يكفى فقط  فتح  الصناديق المغلقه ومعرفه كل المنتفعون بها  طوال الفترات السابقه وتاميم كل املاكهم واعدامهم اطلب من رئيس مصر القادم  ان  يخرج المصرين  الى الاراضى الشاسعه فى سيناء والصحراء الغربيه والواحات  بتعميرها  واقامه المشروعات الجاذبه للااستثمار  هل  تعلم ان مساحه سيناء  لوحدها تعادل مساحه  لبنان وفلسطين ودبى والكويت مجتمعون  الن  نقدر على تجهير  سيناء  وهى تقع على   اكثر من  ساحل  وشواطئ ان تكون مدينه عالميه اقوى من دبى؟
عفوا لاارى  فى كل  المتقدمون الى الان للرئاسه  من يملئ  عقلى ووجدانى ------------ عاوزين رئيس  يكون دكر وابن بلد ونزيهه
ويضرب بيد من حديد  على  رؤوس الفاسدين  والمطبلاتيه وما اكثرهم   بهذا الزمن --------- وللحديث  بقية

نداء الابالسه




اجتماع طارئ لكل الابالسه ------------ لقد اجتمع  شهبورش كبير الابالسه فى ندوه  كبيره حاشدة  وكان  خلفه على الجدار  صوره  ملهمهم  الروحى الكبير صوره كبيره فى اطار لمبارك  بانه  شمهورش كبير الابالسه -والتقط شهبورش الميكرفون وافتتح   ندوته قائلا
اخوانى وابنائى الشياطين لقد جمعتكم اليوم لهم كبير -----  لقد اوقع  شباب المصريين   برمزنا الكبير  مبارك العظيم والان  يحاكمونه  ويطالبون بالقصاص منه  ---------- تتعالى  صيحات الابالسه  هذا ظلم هذا  ظلم  كم  نحب هذا الشيطون الكبير ----  ينادى شهبورش الحضور  ان يلتزموا الهدؤ ويقال لهم لاتقلقوا اللى خلف  لم  يمت ان اعوان  شيطاننا  المفدى  الكبير  مبارك من بنى الانس الى الان يعملون فى كافه القطاعات  من  قيادات شرطه الى   قيادت مجلس عسكرى الى محليات ووزراء ولانغفل   انهم يتحكمون  بالتلفزيون ومنهم من  مشى  على الارض ويسمون نفسهم ابناء مبارك  كلهم حلفاؤنا ومن بنى جنسنا  شياطين وهم الى الان يتحكمون بزمام الامور ويعملون على هدم الثوره المصريه  ولابد  لنا ان  نسجل اعجابنا بفساد مبارك والوليه حرمه الحيزبون ولا ننسى التحيه للشيطون الصغير جيمى ولولو أخيه لكن  تعالوا الان  نفكر  ماهى الخطط لهدم الثوره اللعينه  تعالوا  اقول لكم
اولا نشكك ونخون  كل من  نادى بهذه الثوره ----------  ثانيا  نحن مع  قيادات الشرطه  نتعاون فيما بيننا  انهم  يسلكوا  طريقان  اولهم ان  يحسسوا الشعب  انه لايوجد الان امان  باختفاء الشرطه من الميدان  والدفع بالبلطجيه فى كل مكان  ينهبوا ويسرقوا والناس  من هلعها تقول اين الامان ولا يوم من ايامك  يامبارك ياسلطان -----  والشرطه  تصفى عيون الشباب ويطلع الوزير المفدى  يغلظ بالايمان انه لايوجد قناصه ولا خرطوش وهذا كله من وحى الخيال  ------  وشاشات التلفزيون تشكك  كل انسان  فى الثوره ويطلع كل  شويهة فلحوس من تبعنا شيطون متمرس  يقال عليه خبير امن او استراتيجى  ويقول الامن غاب   لاان الشعب السبب  شعب حارب  شرطته الوطنيه واشاع الفوضى فى البلاد وفى مخطط لتقسيم البلاد ويلحقه  شيطون   مايسمى خبير اقتصادى يقول  كفايه  ياعالم  مظاهرات  نخلى عجله الانتاج تمشى  البلد  حتفلس ----- ولا ننسى فى المحاكمات  يكون  لنا  اليد العليا  كشياطين  نجعلها بطيئه وممله  ولاننسى ان نخفى كل الادلة ونطلع عين اهالى الشهداء ------ويجب  ان لاننسى ان  فى وسط الجموع  لنا اتباع ضربوا لهم شويه دقون وقصروا الجلباب  ودول عليهم عامل كبير فى تحريم اى شئ  ليس فى مصلحتنا وتحليل كل ماهو  لصالحنا وشعب مصر طيب  بيصدق  اى   ذقن ويقول دا رجل دين وطبعا لايفوتنا ان نوجه الشكر  لااخونا الصغير  عوكشه ابن تيفه  فاهو  لنا من المخلصين  هو يمثل  الروبيضه ولسان حال التافهون والناس  تسمعه فيهم اهبل منهم يصدقوه وفيهم من  يشاهدوه من  باب المرح  وبالطريقه هذه  يساعدوا على انتشاره  حان وقت العمل  ياشياطين  عاوزكم كلكم تطلعوا تؤيدوا مجلس الابالسه وتشدو على يد كل  فاسد مسكين انتشروا فى كل القطاعات وتماسكون  ياشياطين حتى نهزم هذه الثوره  ونرجع  كما كنا  مبسوطين

الأربعاء، 8 فبراير، 2012

تعالو نتحاسب

 كنت توقفت عن الكتابه لفتره  حتى اتابع ثورتنا المجيده  ومثلى مثل الكثير مررت بحاله حزن واكتئاب على كل مااراه من  نهش فى جسد  مصرنا الحبيبه  ----  لكن من خلالمتابعاتى لااخر احداث قررت ان نتحاسب جميعا  فهى بنا نتحاسب .
قبل  ان اخوض فى موضوعنا اليوم  احببتان  أسجل عدم  قناعتى  بما يتم فى جلسات مجلس الشعب الان  كنت اتوقعها  جلسات ثورية تعبر عن نبض الشارع لكن الى الان لاارى الا  تهلهل  وجلسات  واهنه  سوف  نتحدث  عنها  فى مقالات اخرى  لكن موضوع اليوم مادفعنى ان اكتب  عنه  هو ماتابعته  اليومان الماضيان  من تصريحات الوزيره فايزة ابو النجا ولجنه  تقصى الحقائق عن الجمعيات الاهليه والتمويل الاجنبى .
تعالوا نبتدى الحساب من أول السطر  جميعنا نعلم ان أمريكا وأسرائيل هما محور الشر فى العالم وجميعنا نتفق على هذا ونعلم جيدا من سنوات  طويله مايخخطاه  لدولنا العربيه وعلى راسهم مصر وقد تمت تصريحات واضحه  بجحه فى عصر بوش  بالشرق الاوسط الجديد  ولقد خططوا من زمان له بتفتيتت الدول العربيه وعلى راسها مصر كما نجحوا من قبل فى تفتيت الاتحاد السوفيتى ويوغسلافيا والسودان ولكى يتمكنوا من تنفيذ مخططاتهم  لابد لهم من ادوات للتنفيذ واهم هذه الادوات هى استقطابالخونه من ابناء الشعب وارضاء نزواتهم بالسلطه والمال اذا كلنا  متفقين على هذا ولايختلف عليه اثنان  فدعونا  نصرح اننا لايمكن ان نحاكم امريكا واسرائيل على تخطيطهم  لكن  لنا كل الحق ان نحاسب الخونه من ابناء الشعب بتهمه الخيانه العظمى لبلدنا مصر لاانهم هم ادوات امريكا واسرائيل ------------- هل نحن متفقون؟؟؟  اذا  دوعنا نكمل من هم ادوات هذا المخطط فى مصر
مصر كان يحكمها رئيس وهو المخلوع مبارك وهو  اول ادوات امريكا واسرائيل  لتنفيذ مخططاتهم  هو من باع  ضميره وشرفه  لااعداء الوطن وتفنن فى النهب والسرقه والفساد على مدار  ثلاثون عاما وعمل على قمع الشعب ومحاربه مثقفيه وبالطبع  لما يكون لوحده فى هذا المضمار  لاان لابد له هو الاخر من ادوات تسانده  فلقد جمع  كل الفاسدين  حوله ومكنهم من المناصب العليا فى البلاد  حتى  يكون لهم السطوة  فى  هذا المخطط  من ادارات عسكريه متمثله فى مجلسه العسكرى كذلك من  فاسدين فى الداخليه لقمع الشعب  ووزراء كلهم من  ذوى النفوس المريضه الفاسده حتى  لايقف امام اى شريف  ينطق  بكلمه لا  ---- والان بعد ثوره الشع المصرى  بماذا يحاكم هذا الرئيس المخلوةع الفاسد  يحاكم  بتهم واهيه وليس  بتهمه الخيانه العظمى  ---- ونجد من البجاحه الان  مايذاع بالكشف  عن مخطط  لتقسيم مصر ومحاربه الجمعيات الاهليه وتصريحات  فايزة ابو النجا وزيره التعاون الدولى انها  يشرفها العمل  لمده عشر  سنوات فى حكم الفاسد مبارك . السؤال هنا  هل  الجميع اكتشف الان هذه المخططات  بالصدفه  بعد  ثوره 25  يناير؟  هل  لما تعملم بها وزيره التعاون الدولى او المخابرات العامه المصريه وكان على راسها المدعو عمر  سلميان الم تعلم بها وزاره الدفاع وعلى راسها المجلس العسكرى والمشير   الم تعلم  بها كل الاجهزة الاستخباريه وامن الدوله فى مصر من قبل؟؟؟
هل تم كتشافها فقط هذه الايام وطوال العقود الماضيه كانت كل هذه الاجهزة نائمه فى العسل  بدون رقيب  بالطبع لا  الجميع  يعلم  لاان كل  هذه الجهات فاسده فى عصر مبارك ونزعتها الفاسده  تكابلت  بنهم على السرقه والفساد  من دماء الشعب المصرى  بدون الاهتمام باامن الوطن ولا الاهتمام بنخطاطات اعداء الوطن كلهم حلقه فساد . تفنن مبارك  فى زرعها بمصر  وكون عائله تزاوجت وكان  عقد زواجهم مبنى على الفساد والدعاره السياسيه حتى طالت كل اجهزة الدوله  فانا اتهم  كل  من  عملوا  فى  نظام مبارك  بالخيانه العظمى لهذا الوطن ولابد من  حسابهم بهذه التهمه  وهى الخيانه العظمى .  رساله الى  مجلس الشعب ورساله الى كل مواطنين مصر لاتتركوا  حق  مصرنا من هذه الخيانه  اولا  رسالتى الى شعبنا تماسكوا فى هذه الفتره  حتى نفوت على اعداء مصر تنفيذ مخططهم  رسالتلا الثانيه الى شعبنا ومجلس الشعب  اين انت من كل هذا اين استجوباتك الى كل  هؤلاء الفاسدون الخائنون  هل  سوف تحاصرهم  بااستوجابتك وتحويلهم الى القضاء  ام  سوف تخنع لهم وتنضم الى طابور الفساد  هذا  ماسوف نعلمه قريبا  لكن  تااكدوا ان شعب مصر جميعا  يتابعكم ويتابع كل الخونه ولن يتركهم الا  بعد ماحسابتهم وياشعب مصر  ظل  ثائر  بقوة حتى  نطهر كل  شبر من مصر ومن وطننا العربى من الخونه باسقاطهم ومحاسبتهم واعدامهم بتهمه الخيانه العظمى  قبل  تهم التربح  ------------ وللحديث بقية

الثلاثاء، 5 يوليو، 2011

ببراءه اول دفعه فاسدين الحلقه السابعه عشر فلوط افندى





فلوط  افندى قاعد فى الصاله  ساعه الصبحيه   بيكلم  نفسه   ------------------  هو ميزان العداله اتخرم  ----- خرموا الميزان ياعصفور وانس الفقى -- وبطرس  ابن اللى مش غالى  لا وكمان المغربى براءه    ----ياحلاوة يولاد    يعنى الناس دى سمعتها برللنت  فلوطه  صحيت على صوته  --- بتكلم مين ياراجل على الصبح --- يرد عليها بكلم نفسى  ياوش السعد  البهوات ابتدوا  ياخدوا براءه ومش  بعيد  العادلى  يدوه براءه كمان مع رد  شرف   ويطلب  بحط الاخوان فى السجن وسجن  الثوار الوحشين اللى  عملوا  صداع  لجنابهم  ------- عارفه ايه ياوليه اللى  مزعلنى فى الموضوع دا كله --- اللى مزعلنى ان  شكل القضاء  كمان بقى هوووووووووبه   اتلعب  فى الميزان بتاع القضاء كمان  زى ماتفسد كل حاجه  -------  وحياتك ياوليه  المشين مع النائب العام  مع كل الشويه الحلمنتيشى دول  -------  بيعملوا  ضد الثوره ومش عاوزين البلد تنضف  -----فلوطه تقوله اعملك تفطر --- يسكت شويه  يقولها فطار  هو فى حد  ليه نفس يفطر  --------------- متهئ لى الوحيد اللى نفسه مفتوحه للفطار دلوقتى   المعلم حسنى والحيزبرون مراته وشويه  المعملين الفاسدين اللى فى طره زمانهم بيفطروا فطار اكسلانس وبيحتفلوا بااول طلعه براءه  جس نبض للشعب الغلبان  ومش بعيد  كمان كام يوم  يتسلكوا واحد واحد براءه وتطلع الثوره زى الحمل الكادب ------------  هى الناس دى فاكره الثوره دى ايه مكرونه بالبشاميل  وفكرينها التكيه بتاعتهم نفس الاشكال  ونفس الفساد  انا من الاول  قولت مش فى حاجه اسمها ثوره  سلميه  ------------  ثوره يبقى  لازم   رؤوس ناس تطير  وناس  تتعلق   فى وسط الميادين  وتبقى عبره  لكل  حرامى وبايع  ضميره  ----- ال  سلميه ال ---------------- ترد فلوطه تقوله تفتكر ايه  يعنى حايحصل  -------  يتشنج  ويرد عليها ياوليه  شغلى دماغك شويه  هى حاجه من اتنين  يالناس تاكل البسبوسه وتسكت على احكام البراءه دى  ودى  كدا جس  نبض  يااما الدنيا تولع -------------واللى قاعدين بيشغلوا الحدوته  عاملين حساب  لدا ودا الناس  سكتت يسلكوا الباقى الناس  طهقت وشاطت  شويه احكام ويمسكوا كام واحد من بتوع الثوره ويقلوا عليهم بلطجيه وهوب  سجن حربى زى ماحصل مع الواد الغلبان الطالب اللى عنده القلب اللى اسمه لؤى اخدوه من التحرير  وقالوا انه كان عند مسرح البالون وهووووووب  اترمى  سجن حربى ------ وسلميلى على الشرف ---------الظاهر  لازم الثوره تقوم بجد  ويبقى فيها دم مافيش حاجه اسمها سلميه -------------  يخساره ميزان الداله اتخرم  دا اللى كان باقى حيلتنا -- خرموه خرموه ميزان العداله خرموه -----وللفسايدن احكام البراءه ادوه  --------- خرموووه  فلوطه تقوله يلهوى يراجل انت كمان  حاتغنيها  بص ليها وقال ليها حضر لى افطر  انا  حااجهز نفسى ونااازل من دلوقتى على التحرير واللى يقدرنا ربنا عليه حانعمله وسلميلى على طنط اوى -----------  فلوطه تقوله  مين طنط اوى دى  يقولها ياوليه  ياعبيطه  ابقى اعرفى مين طنط اوى اللى  مبوظ وحايبوظ كل اللى جاى  ------- سلموز

الأربعاء، 29 يونيو، 2011

الاهلى والزمالك وفلوط افندى الحلقه السادسه عشر

من الصباح الباكر فلوطه اعدت العده  لمتابعه  ماتش الاهلى والزمالك وبما انها اهلاوية متعصبه وفلوط زملكاوى ارتدت فستان احمر وانهت كل  عمل البيت بدرى ---- مستغله غياب فلوط الامس لبياته  بميدان التحرير  تضامنا  مع اسر الشهداء والمهزله التى حدثت
بالامس بميدان التحرير  --------  خبط فلوط على الباب وقد قرر العوده الى البيت وقت المباره  ليستحم وياخذ شاور ويعود ثانيه لمتابعه الاحداث بالتحرير --------- فلوطه فتحت الباب  فلوط ينظر اليها  صائحا  ايه  ياوليه اللى انتى لبساه دا هو انا ارجع من التحرير عيمى معميه من قنابل الدخان اللى  جابوها ولاد الهرمه دول  جايبين نوع قنابل طازة بتولع وماحدش يعرف يمسكها باليد ---- وكمان  جايبين بلطجيتهم معاهم  كل دا علشان اهل الشهداء وكمان كتير  انصابوا ارجع الاقيكى لابسه احمر انتى  عاوزة تنرفزينى ياوليه -------- ترد فلوطه وتقوله لا دا علشان الماتش  حايبتدى ------- يشخط فيها ويقولها ماتش ماتش هو انتى مش عندك دم ياوليه ياخرفانه انتى ائولك شهداء وقنابل واهل شهداء ومصابين  وتقوليلى ماتش  هو خلاص مافيش اختشى كدا خالص ماهو انتى لو كان ابوكى استشهد فى الثوره ولا اخوكى ولا حتى انتى كنت اتكسفتى على دمك وعملتى حداد  خلاص ماعدش فى اى دم  عندك انتى وناس كتيره ----- يتركها ويدخل ياخد شاور  -------- يسمع المذيع يقول جووووون الجون الاول للزمالك يلف الفوطه على وسطه ويطلع جرى يجد فلوطه مبلمه وشعر راسها واقف  من الخضه -------- يضحك ويقولها ايه ياوليه مالك عامله زى المتكهربه كدا شعرك واقف ووشك متنح كل دا علشان جون يارب يجيبوا جون تانى  تجيلك سكته ونغير بقى بالك ياوليه دا فى موديلات حريم   تفتح النفس  شايفها فى الشوارع جمال وشياكه  وثئافه مش  زى انتى كدا عامله زى عملى الرضى هووووووب وهو يتكلم  جون التعادل للااهلى  تقفز فلوطه وتهلل جون جون يرد فلوط يقوله تاك خابط فى نفوخى  سمعتك اتهدى واقعدى وبلاش دوشه صحيح اللى اختشوا ماتوا -------  بين الشطوين  يجلس  يتغداء ويحكى تعرفى امبارح  كان فى ضابط امن مركزى بيرقص ولا الحريم ولااجدع رقاصه فى شارع الهرم ويغيظ الشباب الثوار وماسك  سيفين بيرقص بيهم  ترد فلوطه تقوله  ينيلهم رقصت عليه بطنه البعيد  امال  المحروس  الابصر ايه بتاع الداخليه  المعلم بتاهعم  مش بيشوف الكلام دا ولا  هم بيعملوا ليهم امتحانات رقص   فى الكليه قبل مايعلقوا دبابير  يلهوى هو ايه اللى حصل فى البلد دى بيقولك  عز كان مطبلاتى --- والمخفى اللى اسمه صفوت  كان لامؤاخذه ---- والداخليه بترئص --- والست سوسو   فى كلام عليها سمعته من ام انور بتاعه  العجل اللى على اول الشاره بتقول لاقوا الخشخاش دى اللى كانت اتسرقت فى القصر الجمهورى  شكل  سوسو كانت بتتعاطى المخفى دا ------هووووووب  الجون التانى للزمالك تبلم  فلوطه وتنسى كانت بتقول ايه  وفلوط يضحك  يقوله كمان جون واروح اشيع  جنازتك  ربنا كريم وهى يتحرق دمها  ------ وهوب جون التعادل وينتهى الماتش يغير فلوط ملابسه  بعد الماتش مباشره تسئله رايح فين ياراجل يقولها حاابيت فى التحرير ايه فرصه الواحد  يرتاح من سحنتك شويه  اشم غاوز  احلى من ريحه الجاز اللى فى شعرك  قومى ياوليه اتسرحى تتك الهم ------- يتبع



                                                                                                                                                                      
                    

الاثنين، 27 يونيو، 2011

الحلقة الخامسة عشر فلوط افندى عاوز اجيب الديب من ديله


فلوط افندى بيقلب فى محطات التلفزيون واذا به يجد  برنامج  يستضيف  محامى المخلوع فريد الديب  وفاصل للااعلانات  ---------- نادى فلوطه بسرعه  قال لها تعالى ياوليه وهاتى الشيشه الديب  الافكاتوا بتاع الحرامى  حاييجى دلوقتى   يلا  هاتى الشيشه وحجرين خلينا نوزن الكلام ------  فلوطه تحضر الشيشه  وبداء البرنامج وفلوط منتبهه  ------------ واذا  بالديب  يقول ان مبارك اول من شجع الثوره  -------- ردت فلوطه قالتله  شايف  وانت كنت ظالم مبارك  ياراجل وانا  اقولك مبارك طيب  ------ يرد  فلوط  بعصبيه اسكتى ياوليه ولمى لسانك دا بدل مااقطعه وبعد مااقطعه افرمه زى مافرموا مستندات امن الدوله وبعد ماافرمه اخلعك زى ماخلعنا المخلوع -------- الراجل المحامى دا مش بينزلى من زور دا بقوة  مليون شاهد زور  حسبى الله ونعم الوكيل فيه ------- سامعه ياوليه بيقول ايه  سى قرف مبارك  بياخد معاش وى 80 الف جنيه  علشان النجوم اللى واخدها  حرامى وفاسد وقاتل وبياخد فلوس وبيتكرم اه  يولاد التيت  ------------------  وكمان بيقولك الست سوسو  دى مظلومه  اوى  يخرب  بيت ام التهييس دا  هو فى الاخر  حايطلع دول المحترمين والشعب هو اللى ابن  ستين كلب --------------  لا وايه بيقولك بيدافع  عنه محبة  بيحبه  روح يابعيد  ربنا  يحشرك معاه يوم الحشر  دا انت راجل مستفز  ربنا يولع فيك ياشيخ  خلتنى  حرقت  حجرين الشيشه   من القرف اللى بتقوله ------------------------ وكمان بيحب العادلى ولا وبيشتهد  بااقوال الرسول  الراجل دا  عار دا لو  كان بيترافع عن واحده فى قضيه دعارة كان اشرف ليه من دفاعه عن العالم الواطيه دى -------------- طول مافى اشكال زى دى البلد مش حاتنضف --------------- ترد فلوطه تقوله  ياعم سيبك منه مش تحرق دمك وقولى ايه رائيك فى تسريحه شعرى دى  يبص ليها   بقرف  يقولها تسريحه  ايه ياوليه وانتى مش  باين وشك من قفاكى  ايه القرف اللى عملاه فى نفسك دا ياوليه  حاتجيبى شعرك على  جنب لوراء هى نفس السحنه ------------- مش  ياوليه يامهبوشه انتى الفراعنه كان  كل  سنه ياخدوا  البنات الحلوة الموزز  يرموها فى النيل  --- يعنى سابوا لينا  الفرز الاخير اللى انتى منهم  روحى من وشى وانا لاطايق اشوفك ولا اشوف المخفى الديب دا --------------- يتبع
حدث خطأ في هذه الأداة