ببراءه اول دفعه فاسدين الحلقه السابعه عشر فلوط افندى

فلوط  افندى قاعد فى الصاله  ساعه الصبحيه   بيكلم  نفسه   ------------------  هو ميزان العداله اتخرم  ----- خرموا الميزان ياعصفور وانس الفقى -- وبطرس  ابن اللى مش غالى  لا وكمان المغربى براءه    ----ياحلاوة يولاد    يعنى الناس دى سمعتها برللنت  فلوطه  صحيت على صوته  --- بتكلم مين ياراجل على الصبح --- يرد عليها بكلم نفسى  ياوش السعد  البهوات ابتدوا  ياخدوا براءه ومش  بعيد  العادلى  يدوه براءه كمان مع رد  شرف   ويطلب  بحط الاخوان فى السجن وسجن  الثوار الوحشين اللى  عملوا  صداع  لجنابهم  ------- عارفه ايه ياوليه اللى  مزعلنى فى الموضوع دا كله --- اللى مزعلنى ان  شكل القضاء  كمان بقى هوووووووووبه   اتلعب  فى الميزان بتاع القضاء كمان  زى ماتفسد كل حاجه  -------  وحياتك ياوليه  المشين مع النائب العام  مع كل الشويه الحلمنتيشى دول  -------  بيعملوا  ضد الثوره ومش عاوزين البلد تنضف  -----فلوطه تقوله اعملك تفطر --- يسكت شويه  يقولها فطار  هو فى حد  ليه نفس يفطر  --------------- متهئ لى الوحيد اللى نفسه مفتوحه للفطار دلوقتى   المعلم حسنى والحيزبرون مراته وشويه  المعملين الفاسدين اللى فى طره زمانهم بيفطروا فطار اكسلانس وبيحتفلوا بااول طلعه براءه  جس نبض للشعب الغلبان  ومش بعيد  كمان كام يوم  يتسلكوا واحد واحد براءه وتطلع الثوره زى الحمل الكادب ------------  هى الناس دى فاكره الثوره دى ايه مكرونه بالبشاميل  وفكرينها التكيه بتاعتهم نفس الاشكال  ونفس الفساد  انا من الاول  قولت مش فى حاجه اسمها ثوره  سلميه  ------------  ثوره يبقى  لازم   رؤوس ناس تطير  وناس  تتعلق   فى وسط الميادين  وتبقى عبره  لكل  حرامى وبايع  ضميره  ----- ال  سلميه ال ---------------- ترد فلوطه تقوله تفتكر ايه  يعنى حايحصل  -------  يتشنج  ويرد عليها ياوليه  شغلى دماغك شويه  هى حاجه من اتنين  يالناس تاكل البسبوسه وتسكت على احكام البراءه دى  ودى  كدا جس  نبض  يااما الدنيا تولع -------------واللى قاعدين بيشغلوا الحدوته  عاملين حساب  لدا ودا الناس  سكتت يسلكوا الباقى الناس  طهقت وشاطت  شويه احكام ويمسكوا كام واحد من بتوع الثوره ويقلوا عليهم بلطجيه وهوب  سجن حربى زى ماحصل مع الواد الغلبان الطالب اللى عنده القلب اللى اسمه لؤى اخدوه من التحرير  وقالوا انه كان عند مسرح البالون وهووووووب  اترمى  سجن حربى ------ وسلميلى على الشرف ---------الظاهر  لازم الثوره تقوم بجد  ويبقى فيها دم مافيش حاجه اسمها سلميه -------------  يخساره ميزان الداله اتخرم  دا اللى كان باقى حيلتنا -- خرموه خرموه ميزان العداله خرموه -----وللفسايدن احكام البراءه ادوه  --------- خرموووه  فلوطه تقوله يلهوى يراجل انت كمان  حاتغنيها  بص ليها وقال ليها حضر لى افطر  انا  حااجهز نفسى ونااازل من دلوقتى على التحرير واللى يقدرنا ربنا عليه حانعمله وسلميلى على طنط اوى -----------  فلوطه تقوله  مين طنط اوى دى  يقولها ياوليه  ياعبيطه  ابقى اعرفى مين طنط اوى اللى  مبوظ وحايبوظ كل اللى جاى  ------- سلموز

الاهلى والزمالك وفلوط افندى الحلقه السادسه عشر

من الصباح الباكر فلوطه اعدت العده  لمتابعه  ماتش الاهلى والزمالك وبما انها اهلاوية متعصبه وفلوط زملكاوى ارتدت فستان احمر وانهت كل  عمل البيت بدرى ---- مستغله غياب فلوط الامس لبياته  بميدان التحرير  تضامنا  مع اسر الشهداء والمهزله التى حدثت

بالامس بميدان التحرير  --------  خبط فلوط على الباب وقد قرر العوده الى البيت وقت المباره  ليستحم وياخذ شاور ويعود ثانيه لمتابعه الاحداث بالتحرير --------- فلوطه فتحت الباب  فلوط ينظر اليها  صائحا  ايه  ياوليه اللى انتى لبساه دا هو انا ارجع من التحرير عيمى معميه من قنابل الدخان اللى  جابوها ولاد الهرمه دول  جايبين نوع قنابل طازة بتولع وماحدش يعرف يمسكها باليد ---- وكمان  جايبين بلطجيتهم معاهم  كل دا علشان اهل الشهداء وكمان كتير  انصابوا ارجع الاقيكى لابسه احمر انتى  عاوزة تنرفزينى ياوليه -------- ترد فلوطه وتقوله لا دا علشان الماتش  حايبتدى ------- يشخط فيها ويقولها ماتش ماتش هو انتى مش عندك دم ياوليه ياخرفانه انتى ائولك شهداء وقنابل واهل شهداء ومصابين  وتقوليلى ماتش  هو خلاص مافيش اختشى كدا خالص ماهو انتى لو كان ابوكى استشهد فى الثوره ولا اخوكى ولا حتى انتى كنت اتكسفتى على دمك وعملتى حداد  خلاص ماعدش فى اى دم  عندك انتى وناس كتيره ----- يتركها ويدخل ياخد شاور  -------- يسمع المذيع يقول جووووون الجون الاول للزمالك يلف الفوطه على وسطه ويطلع جرى يجد فلوطه مبلمه وشعر راسها واقف  من الخضه -------- يضحك ويقولها ايه ياوليه مالك عامله زى المتكهربه كدا شعرك واقف ووشك متنح كل دا علشان جون يارب يجيبوا جون تانى  تجيلك سكته ونغير بقى بالك ياوليه دا فى موديلات حريم   تفتح النفس  شايفها فى الشوارع جمال وشياكه  وثئافه مش  زى انتى كدا عامله زى عملى الرضى هووووووب وهو يتكلم  جون التعادل للااهلى  تقفز فلوطه وتهلل جون جون يرد فلوط يقوله تاك خابط فى نفوخى  سمعتك اتهدى واقعدى وبلاش دوشه صحيح اللى اختشوا ماتوا -------  بين الشطوين  يجلس  يتغداء ويحكى تعرفى امبارح  كان فى ضابط امن مركزى بيرقص ولا الحريم ولااجدع رقاصه فى شارع الهرم ويغيظ الشباب الثوار وماسك  سيفين بيرقص بيهم  ترد فلوطه تقوله  ينيلهم رقصت عليه بطنه البعيد  امال  المحروس  الابصر ايه بتاع الداخليه  المعلم بتاهعم  مش بيشوف الكلام دا ولا  هم بيعملوا ليهم امتحانات رقص   فى الكليه قبل مايعلقوا دبابير  يلهوى هو ايه اللى حصل فى البلد دى بيقولك  عز كان مطبلاتى --- والمخفى اللى اسمه صفوت  كان لامؤاخذه ---- والداخليه بترئص --- والست سوسو   فى كلام عليها سمعته من ام انور بتاعه  العجل اللى على اول الشاره بتقول لاقوا الخشخاش دى اللى كانت اتسرقت فى القصر الجمهورى  شكل  سوسو كانت بتتعاطى المخفى دا ------هووووووب  الجون التانى للزمالك تبلم  فلوطه وتنسى كانت بتقول ايه  وفلوط يضحك  يقوله كمان جون واروح اشيع  جنازتك  ربنا كريم وهى يتحرق دمها  ------ وهوب جون التعادل وينتهى الماتش يغير فلوط ملابسه  بعد الماتش مباشره تسئله رايح فين ياراجل يقولها حاابيت فى التحرير ايه فرصه الواحد  يرتاح من سحنتك شويه  اشم غاوز  احلى من ريحه الجاز اللى فى شعرك  قومى ياوليه اتسرحى تتك الهم ------- يتبع



                                                                                                                                                                      

                    

الحلقة الخامسة عشر فلوط افندى عاوز اجيب الديب من ديله

فلوط افندى بيقلب فى محطات التلفزيون واذا به يجد  برنامج  يستضيف  محامى المخلوع فريد الديب  وفاصل للااعلانات  ---------- نادى فلوطه بسرعه  قال لها تعالى ياوليه وهاتى الشيشه الديب  الافكاتوا بتاع الحرامى  حاييجى دلوقتى   يلا  هاتى الشيشه وحجرين خلينا نوزن الكلام ------  فلوطه تحضر الشيشه  وبداء البرنامج وفلوط منتبهه  ------------ واذا  بالديب  يقول ان مبارك اول من شجع الثوره  -------- ردت فلوطه قالتله  شايف  وانت كنت ظالم مبارك  ياراجل وانا  اقولك مبارك طيب  ------ يرد  فلوط  بعصبيه اسكتى ياوليه ولمى لسانك دا بدل مااقطعه وبعد مااقطعه افرمه زى مافرموا مستندات امن الدوله وبعد ماافرمه اخلعك زى ماخلعنا المخلوع -------- الراجل المحامى دا مش بينزلى من زور دا بقوة  مليون شاهد زور  حسبى الله ونعم الوكيل فيه ------- سامعه ياوليه بيقول ايه  سى قرف مبارك  بياخد معاش وى 80 الف جنيه  علشان النجوم اللى واخدها  حرامى وفاسد وقاتل وبياخد فلوس وبيتكرم اه  يولاد التيت  ------------------  وكمان بيقولك الست سوسو  دى مظلومه  اوى  يخرب  بيت ام التهييس دا  هو فى الاخر  حايطلع دول المحترمين والشعب هو اللى ابن  ستين كلب --------------  لا وايه بيقولك بيدافع  عنه محبة  بيحبه  روح يابعيد  ربنا  يحشرك معاه يوم الحشر  دا انت راجل مستفز  ربنا يولع فيك ياشيخ  خلتنى  حرقت  حجرين الشيشه   من القرف اللى بتقوله ------------------------ وكمان بيحب العادلى ولا وبيشتهد  بااقوال الرسول  الراجل دا  عار دا لو  كان بيترافع عن واحده فى قضيه دعارة كان اشرف ليه من دفاعه عن العالم الواطيه دى -------------- طول مافى اشكال زى دى البلد مش حاتنضف --------------- ترد فلوطه تقوله  ياعم سيبك منه مش تحرق دمك وقولى ايه رائيك فى تسريحه شعرى دى  يبص ليها   بقرف  يقولها تسريحه  ايه ياوليه وانتى مش  باين وشك من قفاكى  ايه القرف اللى عملاه فى نفسك دا ياوليه  حاتجيبى شعرك على  جنب لوراء هى نفس السحنه ------------- مش  ياوليه يامهبوشه انتى الفراعنه كان  كل  سنه ياخدوا  البنات الحلوة الموزز  يرموها فى النيل  --- يعنى سابوا لينا  الفرز الاخير اللى انتى منهم  روحى من وشى وانا لاطايق اشوفك ولا اشوف المخفى الديب دا --------------- يتبع

الحلقة الرابعة عشر فلوط افندى وأهالى الشهداء

اليوم   ذهب فلوط افندى الى ماسبيروا للوقوف مع اهالى الشهداء ------------ أقترب من سيده مسنه وسئلها ازى صحتك ياحاجة ---- كانت تجهش بالبكاء  ردت عليه  والله يابنى تعبانه  من قهر قلبى ابنى احتسبته  عند  ربنا  شهيد بس  فين  حق الشهيد من الكلاب اللى قتلوهم  دا انا يابنى مش  بعرف ادخل المحكمه اشوف بيعملوا ايه  حتى اللى ربنا ينتقم منه بيدخل  القفص ماحدش بيشوفوه   ولا عارفين اذا كان جوة القفص ولا لاء وكل شويه  يامطوحوا فينا -------  فلوط وهو يسمعها تزرف عيونه بالدموع ويقول حسبى الله ونعم الوكيل فى كل  كلب  شارك فى قتل  الشباب اللى زى الورد دا من اول  ابو دم بارد اللى متنيل فى شارم  لااخر واحد شاركه فى كل جرايمه  وبعدين انا مش فاهم ليه جايبين  القاضى اللى سمعته زى الطين دا هو اللى يمسك القضايا دى  دا راجل ريحته معفنه  وسمعته  زفت  دا المفروض  بدل مايدوه  قضيه زى دى  يتحاكم هو كمان على جرايمه والاحكام اللى كان بيجامل بيها المخلوع ----------- والله كمان عيب او  عيب على الشعب اللى   راح  يتفرج على ماتشات كوره اشى زمالك واشى اهلى  وسايبين كل  حاجه متعلقه  لو الجمهور  بتاع الناديين دول بس  بدل ماكل واحد من المشجعين دول هز وسطه وراح   الاستاد  يتفرج على الماتشات  كان
هز وسطه ونزل   يقف   يتابع  دم اخواته الشهداء  هنا  كان حايبقى فى كلام تانى  -----------  دا المفروض ان الشعب كله فى حاله حداد والله  لو فى نخوة الشعب يقاطع يروح الاستاد ولما  البهوات اللى بيمشوا البلد  دلوقتى يحسوا ان الشعب واخد موقف من تباطؤهم المقصود  يمكن  يتحركوا والناس  كلها تعمل حداد فى كل شئ لحد مادم الشهداء دا  يتاخد  حقهم  فى فاسدين  قتلوهم احنا الشعب نعرفهم اننا مش حانغمض عنيننا والا حانبقى فاسدين العن منهم ---- الفساد بقى  فايروس منتشر والناس اوقات دماغها بتلسع  بتجرى تتصدر فى الهايفة وسايبه  المهم  ملعون ابو الكوره على السيما  مصلحه بلدنا اهم من الكلام الفاضى دا -------- رد واحد واقف جنبه قاله اه واللهى  صدقت  ------------- دا انا مسدوده نفسى  وحاسس ان مافيش اى تغير بيحصل كاان الثوره  بتروح وكل شئ  زى ماهو  ---------------- رد فلوط مش حانسكت على الكلام الفاضى دا ويبقى  تيس ومش عنده دم اى واحد يسكت   ماتفوقا  ياعالم  بئه  جايبين قاضى فاسد  يحاسبهم ولا وايه الضباط  بتدى تحيه للعادلى  ازاى يعنى اه  يابلد  ------------- والله  اذا الفاسدين دول واللى وراهم اللى بيحموهم لحد دلوقتى ماتحاكموا  لتولع  والدنيا مش حاتقف عند كدا  يلا بئه تولع فى الحق  ومش مهم اللى يحصل ياروح  مابعدك روح واى واحد متواطئ مع الفاسدين دول  هو عارف نفسه وحايتجاب من قفاه  ---------------- يارب عليك بيهم  السفله دول -------- وياشعب فوق بئه الله يكرمك الدنيا والثوره  بتتسرق --------------------  يتبع

الحلقه الثالثة عشر دستور ياأسيادنا وفلوط افندى

خبط على باب  شقة فلوط افندى  ---------  فلوطه  ترد من خلف الباب  صوت  يرد دستور  ياأخوانا انا تفيده   فلوط يقفز  من  على كرسيه  دستور تفيده  مين دى ياوليه  قالتله روح غير هدومك لما  افتح ------------  تدخل  ست  تفيدة   بعد الاحضان والقبلات لست فلوطه  تجلس  بالصاله وهات  يارغى ونميميه على  احوال الشارع  يدخل  فلوط ومعه شيشته  ويلقى التحيه  يقولها ازيك ياست تفيدة وازى جوزك محروس بيه اخباره ايه هو لسه  شغال فى وزاره الزراعة ترد تقوله ايوة ياخويا حايروح فين زى ماهو فى اللى اسمه ابصر ايه الارشاد الزراعى ---------  يبحلق فلوط يقولها ارشاد ايه بس  ياست تفيده  فين ايام الزراعة بتاعه زمان كان الخضار ورور وطازة مش  زى الايام دى خضار  كله  صناعى كان النفر مننا يركب القطار وهو رايح اسكندريه  يشوف الخضره بطول الطريق حاجه تشرح القلب دلوقتى ماعدتش فى خضره  الكل بقى يبنى على الارض الزراعيه وبقى خضار يسد النفس  ومن  وقت المقصوف  على رقبته اللى مايتسمى  يوسف فالى  اقصد يوسف  والى  بتاع الفراولة اللى  ابتدى مع ولاد الكلاب   يدخلوا السرطان فى الزراعة وسممو جتتنا  قومى ياوليه هاتى حاجه  نقرقضها  من التلاجة  واحنا بنرغى  قامت فلوطه احضرت طبق  فيها  كابوتشا  خضراء   وخيار  ------------ يرد فلوط يقولها ايه دا ياوليه  تقوله دى كابوتشا يقولها ايه  افوتشا دى ياوليه  صينى دى ولا ايه  انا قولتلك  تجيبى من السوق خس  قالتله  ست تفيده ماهو يافلوط افندى ماعدش زى زمان  خس  ولا فجل ولا  كورات  بقى فى  كابوتشا موده  --------- يرد  مودة مودة  موده ايه ياوليه منك ليها هو ايه بيجرى فى البلد دى لا خضره  عارفين ناكلها زى زمان ولا حتى الخيار دى ليه طعم ويضغط على زر التلفزيون وفى يده  قطعه خيار  يقضمها واذا بالنشرة يتحدثوا عن  وباء  بالخيار  ينظر اللى الخياراية وينظر الى فلوطة يقولها وكمان  عاوزة تعملى لى تسمم  ياوليه ويجرى يرمى قطعه الخيار ويتمضمض  ويقول لها لو البتاع دخل بيتى تانى تبقى طالق انا مش ناقص  جنان  ------------  الست تفيده  تقول دستور استاذن  انا  يقولها استنى  ياست تفيدة ايه موضوع دستور معاكى دا  شكلك هارشه  حاجة  انتى سمعتى حاجه  عن الدستور تقوله دستور ايه ياخويا  هو كلمه دستور دى فيها حاجه ---------------  يحمر  عنيه ويقولها نعم ياختى  دى فيها كل حاجه دى كلمه السر اليومين دول تعرفى ايه عن  الدستور  ياست تفيده وانتى ياوليه تعرفى ايه عن الدستور ترد فلوطة تقوله والله  يافلوط انا  سامعه كل  شويه فى التلفزيون يئولوا دستور دستور وفى ناس تقول الدستور قبل وناس تقول الدستور بعد ترد تفيده تقول هو ايه  ياختى دا  هو بقى دواء   ولا ايه يرد  يقولهم ربنا ياخدكم نساوين  عديمة الفهم الدستور دا اللى بينظم البلد زى كدا ياوليه لما بقولك  نظامى فى البيت تعملى كدا وكدا ومش تعملى دا ولو  عملتى دا  تبقى طالق  فاسده  دا  بقى الدستور اللى بيفهم العباد  ليهم ايه وعليهم ايه  هو انت ياست تفيده انت والمحروس جوزك مش نزلتوا الاستفتا  قالت ايوة ياخويا نزلت وحمرنا  صوباعنا   قالها  حلو اوى   نزلتوا عملتوا ايه قولتوا  نعم ولا لاء  قالت  ليه ياخويا قولنا نعم طبعا  قالها طيب ليه قولتى نعم  قالتله هو انا عارفة انا لقيتهم بيقولوا اللى حايقول لاء حايدخل النار واللى يقول  نعم حايبقى ابن حلال -----------------  رد وقالها   قالها وانتوا فين امخاخكم  ياوليه  انتى وجوزك  مش  لازم نسمع الا  صوت دماغنا ونفهم الصح مش اى  بنى ادم يقول  حاجه تصدقيها   ماتفهموا بئه الثوره قامت علشان الناس مش تبقى تحت رحمه  حد وكل واحد  يشوف الصح ويقوله  لو   لا  كانت صح  قولى لا  واللى حايقولك تدخلى النار يبقى دا   هلفوت  هو  يعنى فى اديه مفتاح الجنه والنار ايه القرف دا -------  لازم ياعالم تفهموا وتعرفوا مصلحتكم ومصلحه البلد  واللى مش  فاهم يسئل مره واتنين ومليون ويسمع  ويفهم  هو انتوا اتولدتوا حصاوى وحاتموتوا حمير  ماتفهموا  بئه  ياعالم  --------------- ردت  تفيده  قالتله قولى يافلوط افندى انت ناوى ترشح مين للرياسة ----------  قالها  لازم الاول اسمع كل واحد  ايه  نظامه وناوى يعمل ايه واللى نظامه  حايدخل جمجتى واحس انه كلامه مضبوط وناوى يعمل حاجه صح حاارشحه  لكن لحد دلوئتى ماحدش  قال  كلمة موزونه كله كلام انشاء وانا  مش بقيت اكل  من الكلام دا انا عاوز واحد دكر يقول الخلاصه  حااعمل كيت وكيت وكيت  وحانفذه  فى خلال اد كدا  يعنى زى الصنايعى لما تديه  طريحه او مرمه  يقولك حااعملها   كدا كدا واخلصها   يوم كدا --  وبصراحه البلد دى عاوزة  دكر واحد يكون ابن بلد وراجل   ادينا لسه  بنشوف
--------------- وانتى وجوزك ناوين ترشحوا مين  قالتوا لسه  والله بس   جوزى بيشجع ابو تريكه  يمكن نرشحه  عين فلوطه طلعت شرار  قالها أبو تريكة  انتى طالق  ياوليه   -------------------- ردت فلوطه وبتضحك  قالتله  يانيلك  هى مراتك  علشان تطلقها  معلش  ياست  تفيده هو   بيهزر معاكى رد فلوط  قالها  ياست تفيدة  شغلوا دمامغكم ابوس اديكم وسيبوكوم من المسلسلات وافهموا البلد رايحه فين والله يكون فى عون جوزك وقعد يتمتم  ويقول فى ناس اتولدت حصاوى وحاتموت  حمار ----- ومن هنا ورايح ممنوع دخول الخيار -------------------------- يتبع

الحلقة الثانية عشر فلوط افندى سرقوا الصندوق يامحمد لكن مفتاحه معايا

فلوط داخل الحمام يستحم  ويشدو سلملى على القانون   هؤه يانؤه احنا دوله مؤسسات وابوكم الحمار مات ------ مولد وصاحبه غايب سلملى  على  الشفافيه النزاهة ------------- اها يولاد  ----- بت يارشوة هاتى الفوطه تتكم القرف فيكم وفى ايامكم السودة فلوطه تخبط على الباب مالك ياراجل بقالك  ساعتين بتستحمى  وطرشتنا من  صوتك فى ايه ------ يرد من خلف الباب  يوليه   بتليف  علشان ابقى   بتاع شفافية ونظافة ------- عمال اقلب فى جمجمتى هى الثوره قامت وايه  حصل  من وقتها  برووووووووووووووك طررررررررراخ   فلوطه  تخبط على الباب  فلوط فلوط فى ايه --- يرد عاوزة ايه يابوظ الاخص اتزحلقت واتهبدت هدر فى السراميك  ياوليه انتى حاطه ايه بيزحلق على الارض  منك لله يابعيده عاوزة تقطمى رقبتى حالاقيها منك ولا من اللى بيحصل فى البلد ولا من المجلس العسكرى ولا من التلفزيون  واسمع احلا سلام  لسحس ابن  سالم رقصنى ياجدع  اها  يابلد عاوزة ولد   ترد  فلوطه  خلاص  ياراجل اطلع بقى وكمل  وانت قاعد  فى الصاله  رد قالها حضرى لى الشيشه   ----------- طلع فلوط ولابس الجلابيه البيضاء وبيغنى يخارجه من باب الحمام وكل خد عليه خوخه -------- فلوطه  تقوله اعملك   قهوه ولا شاى مع الشيشه قال لها عاوز شاى فى الخمسينه علشان اتفرج على التلفزيون   بقى احلى من السيرك  كل يوم بنشوف حلقات فيها بلويتشات والساحر ونظام اربطنى اوى وانا حافك الربطه وغمض عينك تاكل ملبن  ------------- الكل بيغمض  وحاياكلوا على قفاهم زيوووووووووووووو ----------  ردت فلوطه قالت ليه انا مش فاهمه  انت بتقول ايه ياراجل يقولها امبارح بالليل واحنا على القهوه الناس تقولوا انقبض على   حسين ابن ابو سالم فى  فسبانيا وناس فرحانة ويقولوا حايجبوه  وبعدها قالوا ظبطوا معاه فكه كدا يعنى حوالى 25 مليون يورم من الورق اللى بيدبح حاجه كدا يعنى على ماقسم تيجى اكتر كدا  من  يعنى حوالى يعنى بالتقريب 200 مليون  جند مصرى وقبل كدا فى طيارته وهو  كاتت  بدبى كان معاه فكه بردوا مليار ونص جند مصرى -------  فكرنى بجيمس بوند ياوليه فاكره  لما خطبتك وكنت بدخل افلام جيمس بوند الرومانسيه الواد الشجيع اللى عنده طياره وعربيه بتطير  اهوه ابن العمشة دا عامل زييه  احنا اللى بلد عبيطة ولا  فيها ناس بتستعبط وحاتستعبط وسايبة كل واحد بيسلك نفسه وسلمسلى على التراوة  وحياتك  مافيش ولا واحد من دول حايتاخد معاه ولا حق ولا باطل  كله مستف حاله  وفيه ناس لسه فى البلد  بيستفوا ليهم  والحسابة بتحسب واحنا  زيوووووووووووووو على قفانا----------- مابلاها بقى حدوته الفلوس دى اللى بيشتغلونا بيها  ونسن السكينه ونجيب كل  البغال دى  ندبحهم ونخلص من الوساخة  دى ونرتاح يعنى ولا  حانعرف نرجع فلوس ولا يتحاسبوا كمان ---------- دا انا لحد دلوقتى كل ماقابل بيه محامى اقوله هى الوليه  سوزان دى اتسابت ليه  لما رجعت  كام مليون ماحدش  عارف يجاوب  هو دا كانون لامؤاخذه ونزاهه ولا  سلق بيض  وادينى واديك ويوم لك ويوم عليك --------------- والله ياوليه انا بقيت اشك فى  صوابع اديا -------------------- الشعب كانه  محبوس  فى قفص  ومعاه المفتاح ومش عارف  يفتح لنفسه مستنى  حد  يفتح ليه واللى حايفتح ليه واحد بردوا من اياهم ------  الظاهر ان  الفاسدين دول اللى  مش حايتحكم عليهم فى فاسدين  بره بيحموهم  وفاسدين فى وسطنا شغالين على الوشين ------------------- ايه ياوليه دا الشاى دا  الله يقرفك  طعمه حادق ليه ---------- فلوطه ورينى كدا يقطعنى انا حطيت ملح بدل السكر سورى حبيبى -------------  بتقولى ايه يوليه سورى وحبيبى انتى ماسونيه ياوليه اها  وانا  بقالى كام يوم بشك فيكى شكلك فاسدة  ياوليه  غورى من ادامى  اعمليلى كوبايه  شاى خلينى اشوف السيرك اقصد التلفزيون ---------------------------------- يتبع

أحنا أسفين يافار

يحكى ان  حاكما  لدولة كان نائما بحديقه  قصره فاذا بفأر من فصيله نادره جدا  حجمه  صغير  يكاد لايرى بالعين المجرده يدخل أذن الحاكم ----- ويبحر هذا الفأر من  خلال اذن الحاكم الى تجويف جمجمه الرأس ويستقر هناك وقد غلبه النعاس من  طول المشوار  من اذن الحاكم الى  تجويف   راسه ونام وغط بنوم عميق وقد اتكأ الفأر على مخ الحاكم من الداخل  على  عصب الذكاء وقام الحاكم من نومه لاانه كان يحضر  لخطاب الى شعبه المقهور احتفالا  بفوز حزبه  بكل مقاعد  مجلس النواب ودخل الحاكم  الى قبه المجلس وكله نشاط وحيويه وابتدى بالخطبه وكل  ماينطق  بكلمه الاعضاء تصفيق حاد  ربنا يخليك لينا ياريس وقام واحد فلحوس من الاعضاء   متسائلا بسؤال مجهز له سابقا  كعاده الحاكم  ---- سيدى تعتقد مابال الاحزاب الاخرى يقال  انهم  بيحضروا والشعب يحضر الى  ثوره  وهنا  يتقلب الفأر على عصب السفاله بعقل الحاكم فينطق الحاكم  ----------- خليهم يتسلوا والجميع  يضحكون بسخريه ويصفقوا لولى نعمتهم ---وينتهى الاجتماع ويعود الحاكم الى قصره  بوسط زوجته وولديه  -----  الفأر مازال  بدأ  يسيل لعابه  على عقل الحاكم  حيث انه   مخه  تخين وقد تخيل  الفأر انه  طبق من المهلبيه وأذا  بالفأر  يقرم  قضمه ----الحاكم  يصيح أى  تسئله عائلته مالك  يقول ابدا  صداع بسيط وراح ولم يعلم ان الفأر  قضم عصب النخوة والرجوله من الحزمه العصبيه بعقله -----  فاذا بزوجه الحاكم تقوله  ها حاتعمل ايه فى موضوع توريث ابنك للحكم  ينظر اليها ويقولها الامر امرك انا والشعب تحت امرك -----وتبدأ  سيده القصر مع اتباعها  بتجهيز الدعايه للتوريث -------ينزل الشعب  بالشوارع والميدان ثائرا مطالبين الحاكم  بالتنحى  عقله  ينبض  بسرعه  كنبضات القلب والفأر   هلع  يجرى ذهابا وايابا  فوق عقل الحاكم  قبل القاءه اول  خطبه له واذا بالفأر يقضم  جزء من عقل هذا الحاكم وهذا الجزء مسؤل عن سرعه البديهه والذكاء  ويقف الحاكم  يوجهه اول خطبه  بكلام  غير مفهوم  حااغير الوزاره --- حااصلح العماره  --- حااطلق الحماره  --- انهى خطبته وسط حيره  وغليان من الشعب اكبر من قبل الخطاب  ---------والفأر فى خلال اليومان بعد  هذا الخطاب  قعد  يقزقز فى باقى المخ البالوظه وقد احدث  داخل  مخ الحاكم تجويف  يشبه المغاره وفى خطبه الحاكم الثانيه للشعب للتهدئه من ثورتهم كان الفأر اجهز  على جزء كبير من بلوظه الحاكم اقصد  عقله واذا به   بخطبته يقول انا اتولدت هنا  وحااموت هنا  وحااعمل ببيه هنا  ومش  سرقت حاحه والتاريخ  حايقول كل حاجه وانا مابقتش انا والفأر ياكل هم هم هم بح -------- الشعب خلعه بثوره وهو هرب لمستشفى ------------- واهل الفأر عملوا مظاهره  قالوا احنا أسفين  يافار----------- بس  ياترى هل  فى فأران  داخل عقل  احد اخر  يساند   صاحب العقل الخاوى ----------- دا   حاتكشفه الايام

الحلقة الحادية عشر فلوط افندى والكابوس

بعد انا  غطس فلوط افندى فى أكلة الكوارع دخل ينام   ساعتين -----------------  غط  بنوم عميق واذ  بزوجته فلوطه وابنته  رشوة مع اخيها  يتابعوا المسلسل التركى يسمعوا  صوت  فلوط  يصرخ وهو نائم   يهتف يقول  لا لا لا لا  ازاى ازاى  ---------  هرعوا الى غرفته  صحوا فلوط من نومه  وعلامات الحزن والخوف على وجهه   سئلته فلوطه  مالك ياراجل  -------- قال  لاابنته ناولينى كوبايه مية   كابوس  رذل استلمنى من اول ماغمضت ---------- ياوليه  شكلك  جبتى كوارع مضروبه كابوسها   جامد اوى ---  قالت ليه حااقوم اعمل شاى وتعالى  للصاله واحكيلنا شوفت ايه ----------- جلس فلوط فى الصاله  على الكنبه  واحضرت له فلوطه كوب من الشاى  والشيشه  وسئله  ابنه سبرتوا خير  يابه  حلمت باايه -----  جلست فلوطه ورشوة وسبرتوا  وهو بداء  يحكى  حلمه  ---------  قال اول ماغمضت عينى لقيت حفله كبيره  بعيد الشرطه ولقيت اللى مايتسمى بيخطب فى التلفزيون ---- سئلته  فلوطه مين مبارك ----  رد  قاله هو بسحنته وقرفه  بيحكى  ان برائته هو واولاده والبهوات ولاد التيت كلهم  اخدوها لاان القضاء المصرى نزييه واننا دولة مؤسسات وقعد يبخ اتلكام كلمه بتوعه وانه عمره  ماكان عاوز منصب او جاه وانه بعد مارجع للحكم  بيحتفل  بعيد الشرطه وطلع مع الزفت حبيب العادلى اداه وسام الجمهوريه وسام الحية الذهبيه وقال انا  حااحاسب كل واحد عمل ولسن عليا انا وعيلتى والناس الشريفه دى  وراح  واقف زى الهلف وقال دى لحظه تاريخيه وقد ارسل لى كل الزعماء التهنئه وراح مديها   كام قرار جمهورى --------- قرار الرئيس رقم واحد بعوده التوقيت الصيفى   قرار رقم  اتنين بعوده الدستور على ماكان عليه قبل  يناير الماضى ------  مد خدمه المشير طنطاوى لمدى الحياه ------ تحويل مصر من  جمهوريه الى  سلطنه والحكم يورث الى ال مبارك---------  القبض على جماعه الاخوان المحظورة واعدام كل قيادتها ---------- اعدام البرادعى ناس  تهتف بروح بالدم نفديك يسلطان مصر ----------  ينادى هدؤ دعونا نعمل  بصمت  ------ تحويل  لقب سيده مصر الاولى  السيده  سوزان الى  لقب السلطانه سوسو وولى العهد جيمى ------------- تصفيق حاد عااااش عاش  سلطان مصر ----- وبعدها    نادى   بتكريم الاعلاميين الشرفاء  نادى على   عمرو اديب واداه  وسام  السلطنه ------ منى الشاذلى وسام  السلطنه -------- قناه المحور  وسام الاستحقاق --------- اليوم السابع وسام التميز ---------- تامر امين -- تعينه مستشار اعلامى للرئيس ------- اغلاق  محطه التحرير وتحويلها الى قناه منوعات وافلام برنو ------- الغاء كل الاحزاب وعوده الحزب الوطنى الديموقراطى السطانى المباركى بكل اعضاءه ورموزه وعوده  مجلس السلطنه مجلس الشعب سابقا  برئاسه فتحى سرور ------------------ عوده جهاز امن الدوله السلطانى بقياده المشير حبيب العادلى ------- انشاء مشرع السجن السطلنى المركزى بسعه 80 مليون مواطن بالصحراء الغربية وفرض رسم ضريبه اضافيه  قيمتها 125 فى المائه من ايراد المواطن ويقود الجهاز السلطنى العبقرى  بطرس غالى  بعد عودته مكرما الى  ارض السلطنه  ومنحه وسام الشجاعه  لمقاومته الفتنه الغاضبه والقله المندسه بالتحرير ------------- تكريم السيد احمد عز  وتعينه وزير الحديد بالسلطنه ------------------  شهفت فلوطه  قالتله  يالهوى   كل دا كابوس  اوعى تانى مرة تقولى  كوارع ياراجل  لااحسن  يتحقق الحلم دا  ونلاقى المدهول دا  رجع على قلبنا تانى -------- قالها اسكتى ياوليه دا انا  بقيت مرعوب   من الكابوس دا  ردت  رشوة قالت ياباب هو ممكن يحصل  دا ------------- تنح فلوط وقاله مش عارف ----------------------  يتبع

الحلقة العاشرة فلوط افندى فى مداخله تلفزيونيه

فلوط افندى  جالس  يتفرج على النشره بيده كوب الشاى  وبيده الاخرى الشيشه وابنته رشوة بتقوله  يابابى عاوزة اشوف  مسلسل مهند ---- نط فلوط  منتفض  قالها  بابى ايه يابت ايه السفاله دى  جبتى منين الكلمه دى  انا  يتقالى يابا  بابى دى لو سمعتك بتقوليها حااحلقك قرعة زى العيد اللى فات  لما  قولتى لاامك  مامى   قومى يابت اتجرى نادى امك  وافتكرى تقوليلها امه  حسك  عينك اسمعك تقولى الكلام  المايص دا تانى ----------- عيون رشوة احمرت وقالت حاضر يابا بس والنبى عاوزة اشوف مهند  وجريت على المطبخ منادية  يااامه كلمى ابويا عاوزك ------- جت فلوطه بتقوله   ايوة  يافلوط  عاوز حاجه قالها اها نفسى هفانى على كوارع  وكرشه  عاوزك تضبطينى فى اكله حلوة  بس اوعى تجيبى من حلوف الجزار حاجه  انا شاكك ان الكوارع اللى بيبعها دى ملعوب فيها وصحصحى وانتى بتنقيها مش تعملى زى زمان فاكره ياولية  لما قعدتى كل شويه تجيبى لحمه  وتقوليلى شوف اللحمه لونها احمر ازاى واعدنا  سنه نضرب لحمه من الجزار اللى  كنتى بتجيبى منه لحد  مامسكوه بيبيع لحمه حمير وانتى  زى الهبله تقوليى حمار اللحمه ياخد الروح  تتاخد روحك يارب  اكلتينى حمارين لوحدى ---------- ردت فلوطه قالتله ينيلك يافلوط ماانت  لسه فاكر  ياراجل ماانت وقتها كانت فلوسك حرام مش كنت بتبلطج  على لجان الانتخابات وكنت ماشى مع  حمير الحزب الوطنى كنت عاوز ايه لحم غزال -------------- قاطعها قالها استنى النشره بداءت اهيه  المذيع  يقول  مد الحبس الاحتياطى لفتحى سرور 30 يوم وجرانه 30 يوم -----------  فلوط  يضرب كف على كف تقوله مالك  يافلوط  يقولها مش  شايفه ياوليه    نازلين من البوكس  بيغطوهم ازاى بملا يات وجواكت  كانهم  ممسوكين اداب هم  منزلنيهم بلابيبص ولا  مختشيين  ايه القرف دا واى حد تانى كان يتمسك  وش امه يتبرى من كتر التصوير  انا بقى  الموضوع دا مضايقنى اوى  هم ليه  مش  يعرفونا دول بيتحاكموا ازاى وليه مش بيكشفوا وشهم ولا  خلاص بقوا زى الحريم بيلبسوهم طرح وملايات -------- فلوطه تضحك تقوله انا نازله السوق  يقولها طيب مش تنسى  كوارع تكون حلوة وجيبى لى معاكى باكوين معسل مبارك  علشان احطه على الفحم واولع فى امه واعمل دماغ  سرور ويبقى  يومك حبيب  قالتله حاضر ياغالى ومشيت --------------  برنامج  بعد النشرة جايبين محامى صاحب  دعوة  رجوع مبارك للحكم ----------  فلوط  شد  نفس عالى من الشيشه وسمع المحامى بيقول الحاكم الشرعى الى الان هو الرئيس مبارك لاان الدستور فى صفه  فلوط يتيمتم بتقول ايه ياروح امك هو اللى حصل كان  ثوره  ولا  ارتكاريه  دا انت خلتها خل خالص  فلوط بعصبيه  مسك  التليفون  وقعد  ينظر لرقم البرنامج ويتصل مشغول   ------ تليفون البرنامج مشغول ---- مشغول ---- والمحامى يتكلم  ان  مبارك برئ  فجاءه التليفون رن  مذيع البرنامج  مساء الخير مين معانا يافندم ---------------- فلوط  يرد  انا فلوط واحد مصرى  المذيع اهلا  استاذ فلوط حضرتك ليك تعليق ------------- فلوط  معلوم لى تعليق على الحلوف اللى قاعد   قدام  خلئتك دا اللى بيقول  مبارك  اب وليه احترام وهو  لسه رئيس  شرعى  ليه  ياخويا  هو مش كان خلع وطلاق بالتلاته كمان ولا  سى مبارك طالب الشعب  لبيت الطاعه ------- الضيف المحامى يرد  ياستاذ  فلوط لازم يكون فى ديموقراطيه  فى الرد وانا  بستخدم حقى   فى حرية الرئى  فلوط  يقاطعه  بص  ياض الحريه  بتاعتك دى  مش تتطلع على نفوخنا ومش تاكل معانا سكة  مبارك دا  شيخ منصر وانت  لامؤاخذه زى صبى العالمه عاوز تتشهر بلاافيه وخلاص  حاول تشوف ليك سبوبه تاكل منها عيش  بكرامه ومش تبقى دلدول كدا تييييييييييييت  اتقطع الخط المذيع  ---- واضح ان الخط   فى خلل  فلوط  يقوله خلل   ياابن اللئيمه ماشى  انا  بقى  قاعد  وراكم لما اشوف اخرتها ------------- وبعد انتهاء البرنامج يقلب التلفزيون  بعصبيه ------------- حلقه   باليه فلوط  ينظر  لها وهو  سارح واذا باب الشقه  يتفتح  فلوطه راجعه من السوق ترى فلوط يشرب الشيشه وينظر  لراقصات الباليه وهو سرحان ولم يلحظ قدومها  فجائته بتعمل ايه يراجل ايه الهباب اللى بتشوفه دا  --------------- يقولها مالك يوليه وهباب ايه بتقولى على دول هباب  يوليه ياضلاليه ها جبتى الكوارع  ردت عليه كفايه الكوارع اللى انت بتتفرج عليها دى ------------------ وراحه قالبه المحطه على  مصارعه المحترفين وراحت قاعده  بيقولها ايه ياوليه بتشوفى ايه  قالت  بشوف العضلات  ياحسره وانت بقيت عامل  زى عود القصب قعد يضحك  قالها  طيب يلا   علشان تعملى الاكل وانا حااقوم اعسل لى ساعتين  واقوم بعدها اتغدى وانزل اشوف الدنيا فيها ايه  -------------------- يتبع

الحلقة التاسعة فلوط افندى والحيرة

الساعة السادسة بعد الظهر عم ادريس السائق والحاج  زين ضابط الجيش  بالمعاش تلاقوا مع استاذ صلاح وعدد من اصدقاء  صلاح على  سلم البيت  متجهين جميعا الى  شقة فلوط افندى ---- وقتها كان فلوط افندى  يجلس  بالصاله  يحتسى  مشروب ويتابع  نشره الاخبار وبجانبه ابنه سبرتو ----- جرس الباب يرن  فتح  سبرتوا الباب  ورحب  بالضيوف وقام فلوط افندى يصافحهم ودخلوا جميعا للجلوس بالصالة  وقد بادر  صلاح  بالتحية للجميع معرفا باصدقائه استاذ عماد مهندس  اتصالات وحاسب الى الاستاذ محمد  محامى الاستاذ  حلمى كاتب وصحفى الاستاذ  ثروت  مدرس تاريخ  رحبوا جميعا بالضيوف ----  سئل  صلاح عمه عن اخر اخباره ----  اجابه الحمد لله بس  حاسس ان فى ميغه بالبلد لامؤاخذه وكل واحد بئه يقول يلا نفسى اول ماقامت الثوره كاان مرايا كبيره  نزلت فى الميدان حلوة اوى وكل الناس شايفة بعضها وحابة بعض واللى بيحصل ودلوقتى بلاافية بئت المرايا زى بتاعه العربيه على كبير رد  الاستاذ عماد قاله يعنى ايه زى بتاعه العربيه يافلوط افندى تقصد محدبة قالوه انا ماليش فى الكلام الكبير بتاعكم محدبه مش عارف اسمها بس حسيت انها  مرايا زى بتاعة الميكروباص لامؤاخذه اللى ادامها شايف نفسه  هو وحده الكبير والباقى من وراه صغروا دا قصدى ان كل واحد  بقى معاه مرايا من دى شايف نفسه هو الكبير   لازم كل واحد  يرجع يشوف اللى جنبه ومش يحس انه  اكبر من اللى حواليه  والناس مش مركزة فى  حاجه واحده يمكن السبب علشان الكبسه لما اتعملت مش لموا كل الحراميه  اياهم ضحك  صلاح قاله مش كبسه ياعمى دى ثوره --------- ضحك الجميع رد فلوط قاله بقى لامؤاخذه  لو انا صاحب  غرزة ومدورها فساد  ممكن ييجوا يقبضوا عليا ويسبوا صبيانى مش كان لازم الكل اتاخد هيله بيلا ولا ايه انا  شايف ان  صبيان المعلم قصدى اللى مايتسمى المخلوع لسه موجودين وقاعدين زى الفل   وبعدين هو لحد دلوئتى قاعد ليه  النبى   حارسه وصاينه فى  شارم مسجون خمس نجوم دا ولا ايه علشان الدنيا تتضبط لازم  يتجررجروا المعلم  بكل رابطته  عند البيه القاضى وبسرعه يتحكم عليهم -----  رد الاستاذ محمد  قاله  يافلوط افندى المحاكمات لازم تاخد وقتها علشان يبقى فى عدل رد فلوك وقاله وئتها بقى  بالصلاه على النبى دا جملى ولا ايه  ليه يتاجل البيه لحد اغسطس وليه لحد دلوقتى بيدوروا على اثبات انه متهم  والاثبات  يسد عين الشمس دا الواحد كان  بيتشد من القسم للنيابه للحكم فى  كام يوم ويترزع الحكم وليه لحد  دلوئتى بيحاكموا كل  البهوات دى بتهم الفلوس هم متهمين بسرقه كرتونه بيض  لامؤاخذه ليه مش يتحاكموا على الاهم من الفلوس يتحاكموا على الدم وعلى الخيانه ولا ايه يابهوات ---- ياستاذ محمد انا عاوز اعمل حزب رد محمد المحامى قاله لازم تجمع اعضاء وتقدم طلب بلجنه الاحزاب ---- رد فلوط قاله انا حااجمع الناس  وانت شوف ازاى نعمله وايدى على كتفك رد الاستاذ عماد متسائلا  ياترى يافلوط افندى اتجاه الحزب حايكون ليبرالى ولا شيوعى ولا اشتراكى ولا ديوقراطى رد فلوط قاله بس ياافندى انا حزبى مصرى ماليش دعوة بكل اللى  انت قولت عليهم دى حزبى حااسميه  حزب الفلاليط المصرى رد  زين قاله يافلوط افندى  يستحسن تسميه حاجه زى  حزب الحريه -- الوطنيه -- يعنى اسم كدا  يكون  الناس  تعرفه  وتحدد  اهدافه ------- رد فلوط قال خلاص نسميه حزب الفلاليط الوطنى الاشتراكى الليبرالى التقدمى وضحك قالهم اريحكم حاسميه  حزب لا ------- سكت الجميه قالو  لا ايه ----------- رد فلوط وقاله  لا  دا اسم  الحزب لا  لااى حاجه غلط  حايكون اسمه لا واللى يغلط لامؤاخذه  حانفضحه فضيجه المتطاهر فى وسط الميدان وهو دا اهداف الحزب بلاافيه مش كل واحد من البهوات شايف نفسه فى المرايا لوحده  حزب لا  بقة اللى شايف حاله لوحده وشيطانه بيلعب بعقله وعاوز يلعب بديله يطلع حزب لا يقوله حاااااسب  لا لا لا ويفضحه واحنا لحمد لله عندنا ناس  تعرف  تشوف العجل فى بطن امه اوعوا تفتكروا اننا غلابه مش حانعرف لا احنا فى وسطنا  سواقين للبهوات بيسمع اللى بيتقال وعندنا مكوجى البيه وعندنا نقاش البيه وعندنا الطباخ  فى حزب لا حايكون كل واحد من العمال  فى حزبنا  يعرف البيهه بيعمل ايه من وراء الناس  طبعا غير الناس اللى ربنا هداها من الصياعه حاينضموا للحزب ويعرفوا يراقبوا كل غلطه ماهم دول اللى بهوات الداخليه كانوا بياخدوهم مرشدين احنا حانخليهم يعرفونا اى غلط بيحصل ونعرف ازاى نوقف  كل واحد غلط عند حده ----------- وانا من بكره حانزل الصعيد بلد بلد ونجع نجع اجمع حبايبنا الفلاليط واعرفهم عن الحزب ولما ارجع  حابقى اروح الحلقه  فى القناه اللى فيها عم ادريس اقول  ناوى اعمل ايه  -----------------------------------  يتبع

الحلقه الثامنه فلوط افندى

مضى الليل طويل جد على فلوط بعد  توديعه  صلاح ابن اخيه وبعد ان رجع ابنه سبرتو للبيت الكل بالمنزل نام  الا فلوط  سهر  وبيده الريموت يتنقل بين محطات التلفزيون يتابع نشرات الاخبار واخر الاحداث . قلق وزهق وحيره تملئ وجدان  وفكر فلوط  سمع  أذان الفجر نفض عنه  الكسل والهم  وقال يارب   من زمن وانا  بعيد عن الصلاه نويت  العوده والصلاه  وارتدى جلبابه الابيض توضأ ونزل الى المسجد  فى اول الشارع وهو  ماشى بكل خطوة  يدعو يارب اللهم اغفر لى وسامحنى اللهم اغفر لى وسامحنى . وماان وصل المسجد  حتى نادى الشيخ عبد اللطيف باقامه الصلاه وماان فرغ فلوط من صلاة الفجر اذ به يلمح  عم ادريس النوبى سائق جون مراسل ال سى ان ان وبجواره الحاج زين وهو ضابط سابق بالقوات المسلحه  بالمعاش توجه اليهما صافحهما وخرجوا الثلاثه من المسجد بادرهم فلوط بقوله  تعالوا ياحجاج   نشرب  حاجه على  قهوه عصفور انا شايفه فاتح توجهه ثلاثتهم الى المقهى ونادى فلوط على عصفور  قاله يلا  ياعصفور  نزل لينا   3 طلبات حاجه    شاى بحليب الاول والتفت فلوط للحاج زين قائلا ازيك ياحجيجه  وازى صحتك من زمان مش اتقابلنا  رد الحاج  زين ماانت عارف   طباعى يافلوط يااخويا من زمان انام  بعد العشاء واصحى قبل الفجر اتمشى  شويه  واصلى الفجر واطلع  من بعد ماطلعت معاش  رد  فلوط قال له طول عمرك  مضبوط زى الساعة فى مواعيدك وتحركاتك  ونظر اليه متسائلا  لعم ادريس والحاج زين  ياخوانا هى البلد رايحه فين انا طول الليل  اقلب فى التلفزيون لما نفسى اتغمت ودماغى ونت ومش عارف  الدنيا ليه ملخبطه اوى كدا الواحد يصدق مين ويكدب مين ولا كل بيشتغل كله ولا ايه الحكايه جاوبه زين والله عندك حق  يافلوط  رد عم ادريس قالهم ياخوانا  انا بسمع  البهوات عندنا بالمحطه بيقولوا ان اى ثورة بيحصل فيها كدا هيصه وزمبليطه وناس تظهر وناس تختفى وناس تبقى مخلصه وناس قلبها وحش واسود  رد فلوط  قال  شويه هيصه يقولوا فؤية وهيصه تانيه يولعوا فى كنايس وهيصه  يقولوا على الحرمه اللى اسمها كامليا وناس تصرخ عاوزين نعدم الحرامية وناس تولول عاوزين  مرتبا ت عالية والبيه  شرف  كل يوم  سفر والبيه وزير الداخليه كل يوم فى برامج شكل حتى التلفزيون تحس ان فى  حاجات بتتقال  كان اللى بيقولها يقصد ربط دماغك ويلفك لفتين يدوخك  ماحدش بقى عارف مين كويس ومين زفر ابن زفره فى البلد دى والتفت  لعم ادريس وقاله عارف  ياعم ادريس انا خايف من  الحلقه اللى حااعملها عندكم مع جون علشان كدا انا النهارده باعت لصلاح يجيب صحابه ومعهم محامى بلاافيه  علشان يبقى الواحد يوم الحلقة يبقى راكز وعارف راسه من رجليه ضحك عم ادريس  ضحكه عاليه وقاله يافلوط افندى انت بتتكلم من قلبك زى  القشطه وكلامك حلو انت ابن بلد وفاهم  قول اللى حاسه زى المؤتمر ومافيش مانع تبقى تقعد مع ضيوفك لما ييجوا   القعده بيطلع منها فوكيرة حلوة وياعم اعمل زى كل البهوات لما تتزنق فى اى سؤال رد زى البهوات قول دى بنجهز لها خارطه طريق دى بقى بيقولها اى افندى لما بيتزنق ومش مجمع  حايقول ايه  وهنا ابتسم  ثلاثتهم وزين قاله يافلوط  اى  عماره  علشان تطلع صح مش عشوائى لازم يترمى الاساس صح علشان تطلع جامده والاساس هنا  من رائى  لازم الدستور يتعمل الاول قبل اى شئ رد فلوط   قاله ايوة والله  انا بردوا بقول  لازم يتحط الدستور علشان كله يبقى على نور ومش  يبقى كله تايه كدا ولاييجى بلاافيه واحد  يفصله  على  مزاجه ومزاج اهله ويطلع لينا   واحد بكرش  كل  شويه يقول موافقة موافقه دا انا مفقوع من الراجل سرور دا كان   عامل  لامؤاخذه زى الترزى بيفكرنى بزكى قدره فى الفيلم  ادبح  يازكى واسلخ  يازكى راجل دماغه  سم   هوبه   نزل   قانون هوبه قبل ماحد يرفع اديه موافقة ولما حد ييجى يصرخ فى المجلس يقول فى تسيب  وكان يرد عدم موافقه  ويتنك اوى كدا ويقول ننتقل  لمصطبه الجلسه وهنا  يقهقه زين ومعه ادريس ويكمل فلوط ولا البيه التالف الطويل  زكريا عزمى  وقام نط فلوط  يقلده يقول كل  كلمه يقولك الفساد بقى للركب  تتك كسر ركبك  يابعيد اتاريه كان خاربها وعامل فيها الخضرة الشريفه. يلا اللى  فات  بيتحقق فيه المهم اللى جاى  حنلاقى  فى وسط الزحام اشكال  زى اللى  شوفناها دى فى وسط الزحمه وحايكونوا على معدل  يعنى   المهم  نغربل كل  الاشكال دى مش ليها  لزمه وسطنا  وانا  حاسس  ان فى كتير من الاشكال دى فى وسط الزحمه ماهو مولد وصاحبه غايب  لازم  نخلى عيونا فى وسط راسنا مش نصدق اى حد ولانخون كل الناس بس اللى يقع تحت ايدينا يكون   بيلعب بديله  نقطعه اول  بااول  ولازم كل ولاد البلد  تخلى  بالها اوى من ولاد الحنتيته دى انا والله ل شوفت التلفزيون  صدرى مخنوق عاوزين نلم الجرح ونطهره   بالبلد ونفوق بقى لحالنا . ادريس   قاله ان  شاء الله البلد حاتبقى بخير  وانا حااقوم استاذن علشان اسخن العربيه واجهز حالى للشغل  رد  فلوط وقاله ياريت تبقى تيجى  لما تخلص  اتفضل انت والحاج زين  اقعدوا معايا  انا والرجاله باليل اجابوة بالموافقه وهنا هم كل واحد منهم للاانصراف  -----------------------------------  يتبع

الحلقة السابعة (فلوط واجتماعه مع مثقفين العائله والحى)

عندما انهى فلوت مؤتمره ناداه  مراسل ال سى ان ان الاستاذ جون   مصافحا فلوط  طالبا منه ان  يحدد بينهما لقاء اخر ليت  تصوير حلقة عن خطه فلوط المستقبلية على ان تذاع لايف  على ال سى ان ان وابدى فلوط الموافقة وقد اخبره   الاستاذ جون ان سوف يتم عرض بعد لقطات هذا المؤتمر فى النشرة الموجزة  بمحطة ال سى ان ان ووعده بلقاء أخر ------ عاد فلوط الى المنزل ومعه الاستاذ  صلاح ابن اخيه وماأن فتح فلوط باب الشقه  هرعت اليه زوجته فلوطه وابنته رشوة بالزغاريد --  خاطبهم  بس  ياوليه  لسه بدرى على الزغاريط   احنا لسه البلد مش هديت وسئل  عن ابنه سفروت  والمح انه  لم يراه من بعد المؤتمر   اجابته بنته رشوة انه  راح الى السايبير ومعاه اللاب توب  لمقابله مهندس  يفتحه ----  جلس فلوط مع صلاح ابن اخيه قائلا تفتكر  ايه حليحصل فى البلد انا كل  يوم شايف ناس متضايقه وناس خايفه وناس بتضرب  عن الشغل ابتسم صلاح قائلا  ياعمى دا طبيعى  بعد كل  ثوره بيبقى فى عدم توازن ممكن ياخد شهور وممكن ياخد سنين لحد مالوضع  يتضبط رد فلوط وقال الله لايسامحهم اللى عملوا كدا بالبلد فيها ايه لو كان بيحكم بضمير  شويه البلد كلها خير  بس البهوات اللى مش عندهم ضمير دول ربنا  ينتقم منهم  تعرف  ياصلاح يابنى انا بستغرب اوى  وقت مامشى الملك كانت مصر الجنيه بتاعنا كان يعمل اكنر من 3 دولار وكنا مداينين الانجليز وكان وقتها  اليابان والمانيا يابنى متساويين بالارض يعنى ابتدوا من الزيرو شوف هم فين دلوقتى واحنا فين ابتسم صلاح  بضحكه عاليه قاله ماشاء الله ياعمى انا مش كنت عارف انك عارف المعلومات دى  ضحك وقاله ليه انت فاكرنى جاهل ولا ايه انا كنت واخد الاعدادية  بس اللى يسامحهم بقى اصحاب السؤ  خلونى كرهت المدرسه وكان وقتها   الاساتذه يضربونى على عقل  صوابعى بالمسطره الخشب الععريضه اللى بسن نحاس كرهونى فى المدرسة وكان كله  حشو فى الكتب وكل كراسه وكتاب  كان  فى ضهرها اسباب  ثوره  52  وراح ضاحك اوى  قاله  صلاح بتضحك ليه ياعم فلوط قاله  يابنى  كل ماافتكر   كان مكتوب وقتها  اهداف الثوره  مجانيه التعليم --- مجانيه العلاج --- محاربه الاقطاع --- محاربه الفساد والراسماليه --- اقامة حياه ديموقراطية ----- اقالة الملك .  مش هى دى كانت من مبادئ ثوره 52   ضحك صلاح وقاله ايه دا ياعمى انت حافظها كويس   رد فلوط وقاله معلوم  كنت  كل   مااقلب كراس او كتاب الاقيها فى وشى   وفلقونا بيها ومافيش اى حاجة اتحققت منها غير ان الملك مشى وجيه بداله  سلطان اتسلطن وجعلص وقاعد على قلبنا  يمص فى دمنا  يابنى من وقت ماقامت ثوره 52  وماحصلش اى ديموقراطيه ولا حريه  فى البلد دى عبد الناصر والجماعه  بتوع الثوره بقوا هم  الحزب الواد  اللى كان اسمه الناصرى وممنوزع حد غيرهم  يقول بم  --- اها الراجل   زود  المدارس شويه --- ووزع اراضى البشاوات على الفلاحين بدل ماكانت الارض بتتزرع كلها حته واحده بقى كل واحد بيزرع على كيفه وباظت الزراعة  بس  مافيش حرية للشعب حصلت ---- جيه بعده الريس السادات بقى  هو والحزب الوطنى ومافيش حد تانى غيرهم  هو الراجل  بس   عمل  شويه انفتاح  بس بردو الشعب  ياولداه مقهور جيه  بهده بسلامته مبارك اللى لايورده على جنه  دا بقى خلاها خل التعليم باظ وبقى غالى اكتر من ايام الملك --- والصحه  باظت  والمستشفيات  بقيت  غاليه العيان اللى مش معاه  يموت  وماعدش فى ولازراعه ولا صناعة --- وكمان خلى المصانع  الحربيه بلاافيه يادوب  تعمل  غسالة  واطقم حلل --- وقلل الجيش ولا فى اى تسليح ---  لا وايه  بقى الدخول لكليه الشرطه  زى  دخول مجلس الشعب فى ايامه  يدفعوا رشوة كتيرة علشان العيل  يدخل كليه الشرطة اللى  بيدفع لمجلس الشعب  على  انتخاباته وعاوز يبقى عضو دا  يابنى كانوا بيدفعوا ملايين علشان  ال ايه  يخدموا اهل دايرتهم  وهم   بيدخلوا عاوزين الحصانه علشان ينهبوا نفس الموضوع الواد من دول كان يدخل كليه الشرطه وعارف ان مرتبه حايبقى ملالييم بس عاوز كارنيه الشرطه علشان يبقى بلطجى  على خلق الله فى اى مكان يتحط فيه  يعرف  يطلع المعلوم  لو راح امن الدوله ياسعده  ياهناه  يبقى   نافش  ريشة فى اى مكان ويبلطج فى اى حته بكارنيه ولو راح  شعبه المخدرات  يبقى  تاجر  من  وراء  ضهر الحكومة لا ولا ضهر ولا حاجه هم  عارفين  تعرف  يابنى اننا كانا  نروح الغرزة فى البطنيه  نلاقى  رتبه  قاعد مع المعلم بيحشش  واصحاب  ويقبضوا على اللى رايح   ياخد كيف سيجاره وخلاص يعنى السطان حسنى كمل  على كل حاجه خلاها خل وطبعا  البيه اللى عامل نفس كريم  صفوت الشريف اهوه دا بقى لامؤاخذه  بوظ  اجيال لما مسك  الاعلام والتلفزيون دا  رجل  ولا بلاش كلمه رجل دى  كبيرة عليه شويه دا بنسميه لامؤاخذه حاجه وحشه فاكر فيلم القاهرة  30  رد صلاح قاله اه  ياعمى قاله دا بقى  اللى كان طالع مع الرابحه يضبط الحريم  للبهوات وتاريخه اسود تعرف  يصلاح يابنى كمان ايه اللى  خلى الدنيا كمان باظت اكتر الراجل الخمرى  اللى اسمه عاطف عبيد دا بقى مع  البيه حسنى باعوا القطاع العام ولما يبيعوه  بقى  اكتر من 3 مليون معاشات مبكره طلعوا بمعاش وبقى كمان يدوروا على شغل  وبقوا يشتغلوا فى اى مكان بااى مرتب  واللى يتخرج  يولداه مش لاقى شغل يعنى الكبير  نهب واللى معاه  بوظوا واحد  بوظ دماغ الشعب بالتلفزيون والسيما وواحد خربها وباع المصانع وبردوا الشعب مش حر ولا ديموقراطيه ولا يحزنون  دا حتى ايام عبد الناصر لما عمل مصنع الحديد وبقى عبد الحليم يغنى  فرحانين بيه جيه الرجل البغل دا اداه   لحماده عزو ببلاش اه  يولاد  التيت ودلوقتى يقولك  عفا الله عما  سلف الناس دى يابنى لازم تترجم فى وسط ميدان التحرير المهم يابنى مش عاوزين نرجع تانى نفضل على حالنا ييجى واحد  يمسك البلد  ويبقى  هو  صوته نعورة وعالى والشعب مش  ليه  صوت ويعملنا حزب ويبقى يبرتع فيه والله مايحصل تانى ابدا علشان كدا يابنى لازم نفكر ازاى البلد تبقى بخير  رد  صلاح وقاله انا مبسوط انى بسمع الكلام دا منك  ياعمى  بكره حااخلص  شغل واجيلك انا ومجموعه من  صحابى نقعد  نشوف ممكن نعمل ايه علشان الوقت اتاخر دلوقتى رد  فلوط وقاله  مش تنسى تجيب مع اصحابك واحد محامى بس  يكون عقر  علشان عاوزه فى حاجات ووعده  صلاح ان  بكره  يحضر له الساعه  6 مساءا  ----------------------------- يتبع

الحلقة السادسة (احداث المؤتمر الشعبى الاول لفلوط افندى)

  -فى تمام الساة السابعة كان الصوان  قد امتلئ  عن اخرة بضيوف فلوط افندى وقد  طلب منهم  فى الساعه  السابعة الا  ربع ان يصعد  لشقته لتغيير ملابسه للتوافق مع الحدث وهاهو الان   يصعد الى خشبة المسرح مرتدبيا  بدلة وفى يده  حقيبه جلدية وارتدى نظارة طبية وسط دهشة الجميع  ----- لااول مره  يروا فلوط افندى  بهذه الثياب وهذا المظهر واصبح الصوان كله تمتمه  وتهامست  وقد  قطع كل هذا  حينما امسك  فلوط افندى المايك وابتدى اول كلامه -------------السلام عليكم  يارجالة وارحب بكل البهوات اللى شرفونا والاجانب اللى   نورونا   وقبل مااى واحد يتفلفط عليا  ويقولى ايه اللى انت عاملة فى نفسك دا  انا  شوفت فى التلفزيون البهوات كلهم  بيعملوا كدا  بدله ونضاره وشنطه مش اختراع  يعنى وشويه  فزلين على شعرى  بقيت بيه  الرجاله ولاد  حتتى والمعلمين اللى شرفونا  عارفين فلوط كويس ----  وانا حابب  اتكلم  معاكم فى حاجات كتيره  احنا بلاأفية كنا   بنختشى  لما حد يقول  علينا  بلطجيه  او  رد  سجون لكن لا والف لا انا شوفت الايام اللى فاتت  بهوات  طلعوا حراميه ورد  سجون زى ماانتوا كلكم  شوفوتوا والمصيبه  انهم فيهم دكترة بالجامعات  زى البيه  نضيف وغيره يعنى احنا   اشرف من البهوات دى لااننا مش اتعلمنا زييهم وفكرنا  كان على ادنا ولازم  يارجاله نعرف الناس دى ان احنا ارجل منهم  لاانهم هم اللى بوظوا اخلاقنا  من اكتر من  30  سنه وربنا ينتقم منهم  فاكر يامعلم ابو دومه لما كنا  سوا فى الابتدائى من 25  سنه  وكانت  السيما كل  شويه افلام  الباطنيه والمخدرات والشقاوة  وندخل نتفرج على الشجيع وهو بيعمل دماغ وبيسرق ويقتل والكل  يبقى   شايفه دكر وقف  ابو دومه قاله ياااه يافلوط ياخويا  فكرتنى  بزمن بعيد ايام فيلم العار والباطنيه وخمسه باب اه طبعا ياخويا  فاكر كل دا وبقينا نهرب ونولع الدخان ونشوف الافلام دى -----  رد وقوال فلوط يعنى البهوات اللى ملوا دماغنا  بالافلام دى بلاافيه  بوظونا من صغرنا عرفونا ان الشجيع هو اللى بيعمل كل الحاجات دى ولما بوظنا فى المدارس  قالوا علينا عيال  بايظه ولما بقينا  شباب وكل واحد بقى فارع ورجليه شيلاه  راح اشتغل  صنعه انا فاكر اول مره البيه الرائد بتاع امن الدولة اخدنى تحرى باللليل وانا  راجع من   الورشه اللى كنت شغال فيها فى كمين وقالى جاى منين ياروح امك ولما جيت اقوله بالراحة عليا ياباشا انا راجل  ارزاقى راجع من الشغل  لطشنى الم على وشى كنت اول مره   بنى ادم  يضربنى من غير سبب واخدونى معاهم بالبوكس وفين  يوجعك  ضرب وشتيمه  كسرونى ايامها ولما  ردت الشتمه وانا دايخ  لبسونى اول  قضيت حشيش   واتلدعت   5  سنين فيها وكل واحد مننا  اتعمل معاه   وبقينا ملطشة للبهوات دى  كل  منطقه  ينقوا الدكر اللى فيها يكسروا عنيه وبقى مش ليهم شغلانه وقتها الا احنا لحد مابقيت عشرة ولما تشوف وقتها اى واحد من البهوات دول فى التلفزيون يتكلموا علينا كلام زفر  اننا  عشوائيات وبلطجية ولا كاانهم اللى عملوا فينا كدا من بوظان سيما لبوظان   امن دوله هو احنا اتولدنا يعنى من البطة السوداء--- كل دا فات وعدى وكان اخرهم ايم الانتخابات فاكرين يارجاله لما كانوا يجيبونا ايام انتخابات البهوات لمجلس الشعب ويقوللنا عاوزينكم  تبوظوا  الصوان الفلانى او تقفوا على اى لجنه   تبلطجوا علشان  اى  بيه منفوخ منهم عاوزين ينجحوه هم يلطشوا  الفلوس منهم واحنا ناخد منهم ملاليم وشويه تهزئ كاننا  عبيد اللى خلفوهم ------ واخرتها لما  البيه اللى كان ماسك البلد  سى حسنى دا بئه طلع ابن حنتيت بصحيح كان يقولك ايه انا مش عاوز  اكون بيه ولا منصب ولاديولوا وطلع ابن هرمه هو وكل الهبيشه اللى حواليه --- احنا بالعربى كدا احسن من كل البهوات دى ولازم  نصلح نفسنا اوعى حد من هنا ورايح  يضحك عليك ولا على ابنك ويتكلم معاك من مناخيره انا جمعتكم هنا بلاافيه علشان ان شايف كل البهوات فاكرين البلد ليهم لوحدهم واللى يجوز امى اقوله ياعمى لابح خلاص  احنا لينا صوت وحانعمل حزب ونقولهم احنا  غلابه اه  لكننا بنفهم   الكفت -------------  تصفيق حاد واصوات تقوله ينصر دينك يافلوت افندى --- تقترب كاميرات ال سى ان ان ومترجم  يترجم كل كلمه  ومراسل الس ان ان  يرفع يده  يلمحه فلوت يقوله اتفضل  ياستاذنا  خد المايك عاوز تقول ايه بس كلمنى وحياه ابوك  عربى مش  بفهم  بلغتكم التانية ابتسامة عريضه على وجه جون المراسل وامسك المايك القى التحيه  قائلا مساء الخير انا بس حبيت اسئل  فلوط افندى  كام  سؤالا اجابه فلوط  براسه بالموافقه تلفت  جون الى فلوط سائلا قال له الى الان  فهمت انك  بتحاول تقول  ان اللى  ساعد على  بوظان كتير منكم السينما والتلفزيون والبرامج اللى كانت تذاع تانى شئ  فهمته انك عاوز تصحح المسار انت واصحابك ويكون ليكم دور فى الثورة وتعملوا حزب او جمعية لكم ----- واعطى المايك لفلوط --- اجابه فلوط معلوم يابيه السيما والتلفزيون --- البنى ادام  كان راسه  مفتوحه بياخد من السيما والتلفزيون ويطلع بحياته وانا  من وقت مابقيت صبى مش  بشوف الا كل اللى  بيذيعوه   كله عن الكيف  والنسوان والفتونه لامؤاخذه كنت حااحب اطلع ايه بلا أفيه وقتها وانا من  صغرى  شايف  ان هم دول  كل اللى  بنتفرج عليه  بالك  يابيه الريس عبد الناصر ممكن يكون  كان صعيدى جدع وغلط فى حاجات وهو ريس بس كان  رجل ابن بلد  انا يابيه فاكر  كان عندى  عشر سنين ولما تيجى الخطبة بتاعته بلا أفيه احب اقعد اسمعه كانى بسمع حليم او بسمع اخويا او ابويا  حاسس انه  راجل منا مع انى مش كنت فاهم حاجه وقتها  بس تحس كدا يابيه انه دخل قلبك مش زى البعده  بتوع الايام دى بيمثلوا علينا واخرهم  شيخ المنصر  البيه حسنى وام علاء حرمته  كانوا بيشتغلونا وتحس انه كان ماسخ مالوش طعم زى  الخضار بتاع الايام دى لاطعم ولا  يحزنون احنا بئه بلاافيه عاوزين راجل دكر ابن بلد وشهم ويكون راجل يحكم البلد دى مش عاوزين واحد يشتغلنا ولاينهبنا ولايدمر ولادنا وولاد ولادنا ومش حانقبل باى واحد مسخره  يمسمك البلد دى لامؤاخذه تانى لاان مصر اجدع بلد ورجالتها ونسوانها وولادها احسن ناس واحنا  وكل الرجاله  معنا وحتى حريمنا الايام اللى جايه لامؤاخذه  حانقف مع الحق والجدعنه احنا يابيه اتمرمطنا فى الشوارع وكل واحد فينا  بقى واعى وعارف   كل حاجه لامؤاخذه ----------- بصوا يارجاله لامؤاخذه احنا حانعمل لجان شعبيه  وكل  معلم فى حتته مع رجالته يخلى باله من جيرانه وولاد جهته والبهوات اللى  افتروا على الناس لو ظهر منهم اى واحد وحب  يعمل  ميه راجل عليك انت وهو ويقولك عاوزك  تولع هنا ولاتضرب فلان ولا تبوظ مكان   احنا بلاافيه   نجيبه مرابعة هنا ونقضحه  دى اشكال مش متربية ومهما طلع او نزل  هو ابن مامى وبابى وعامل راجل علينا   كان مستخبى ببدلته --------- ومن هنا  بقول احنا من الشعب وحانحمى بلدنا رد الريس حسن وشهرته الكومى  من معلمين القلعة  وقاله يافلوط ياخويا  طيب نبتدى ازاى عاوزينا نعمل ايه  قالهم كل واحد  لامؤاخذه  فى نهايه  الكلام  يطلع كل معلم هنا   عند الاستاذ عادل  يمليه اسم كل معلم ومنطقته واسماء رجالته وارئام موبايله والمنطقه اللى  يعملوا خدمه   حراسه شعبيه عليها عاوزين كل منطقه تبقى  فى امان  مانت عارفين ان البهوات اللى باقيه فى الداخليه عددها قليل والتانيين اللى بالى بالكم وكلنا هارشينهم نفضح كل واحد منهم  علشان  يتحاكم ومش يفلت  واحنا مع   باقى الضباط المحترمين حانؤمن كل حاجه لحد مالبلد  تهدى وان شاء الله حاابعت لك الرجاله فى الصعيد ومصر بحالها علشان  ينضموا معانا وكل واحد  ليه فكر  يتكلم معانا  تقدم واحد  من  فلوط وصعد المسرح وقاله  ياستاذ  فلوط   ممكن  تدينى ايميلك وارقام تليفوناتك انا  صحفى وعاوز ابقى اتصل  بيك  رد  فلوط وقاله ايميل ايه  يابه انا اول يوم البس المخروبه البدله دى وتقولى ايميل  اللى فى ايدى دى شنطه فاديه مش فيها ماكنه بتاعه الاميل دا اللى بتقول  عليه لكن خد رقم موبايلى ابتسم الصحفى وقاله بكره حايكون ليك ايميل وسكرتارية------------فلوط امسك المايك وقال  ياخونا  اى واحد يشوف حاجه غلط  يبغنى على موبايلى واحنا  مش حانسكت على اى غلط  لامؤاخذه ------------- الدنيا بتتغير واحنا كمان  حانتغير ----------- تصفيق حاد ------ وقد ختم  فلوط   المؤتمر  باخر كلماته   على موبايلات بقى يارجاله لحد مانحضر ازاى نتقابل تانى ونؤسس الحزب -----------وابتدى الجميع  بالانصراف  شاكرين  فلوط  لدعوته ---------------- الى ان استوقف جون  فلوط  قائلا -------------  يتبع الحلقة القادمة

لمحت بين كل النساء أمراءه

لمحت بين كل النساء أمراءه ----
بمر العصور بروحى تسكننى ---
لمحتها بصحوى ومنامى ------
تهامسنى ---
ابحر بعيونها --
أهامس وجدانها--
اتنفس جلدها ---
لمحت بين كل النساء أمراءه ----
تشبه فينوس برقتها---
بريق عيونها يسحرنى
أسطورية برقتها ---
أسكن مشاعرها وجسدها
ارتوى شهدا من نبع ريقها
اتلمس الدفئ بانفاسها --
صحوت من   غفوتى هامسا
ماأروعك حواء بين كل النساء

الحلقة الخامسة ( المؤتمر الاول لفلاليط القاهرة والجيزة)

    

لقد قام فلوط بجهد مضنى  حتى يجهز لمؤتمره الشعبى الاول  حيث اعتمد على ابنه سبرتو واصدقائه والكثير من  اهل الحى فى توزيع دعوات  ورقية للحضور الى المؤتمر  بجانب الدعوات الشفهية التى  خاطب بها كل اصدقائه فى معظم الاحياء وقد قام بطريقة  ذكيه  فى التوزيع الجغرافى لكل منطقة ارسل لكل كبير من الفلاليط فى منطقته دعوة ونص  رسالة الدعوة  فلوط افندى يعو كل الرجال الفلاليط لقعده رجاله فى  صوان  علشان  نحكى   فى وضعنا ووضع البلد  بعد الثورة واحنا  رجالة  ولاد  بلد  مستنيكم الساعة  7 مساءا  على اول الشارع صوان كبير  ياخد  1500  راجل  بس   وحياة ابوكم   ممنوع   المشروبات والبراشيم  يرجاله عاوز كل   دكر ييجى مفنجل ومصحصح وربنا معانا اخوكم فلوط بيه الكبير ومن الساعة الرابعة عصرا ابتدى الريس  خضربنصب الشادر والفراشة والريس بلبل تبرع  بكل تجهيزات الصوت وفلوطة مع صاحباتها تبرعوا يعملوا الشاى والعصاير وقد انتشر  فى كل الاحياء الشعبيه  بالقاهره والجيزة  خبرمؤتمر  فلوط افندى وقد التقط  مراسل لقناه ال سى ان ان  خبر هذا المؤتمر الشعبى عن طريق  سائقه الخاص وهو من  سكان شارع فلوط افندى وقد طلب هذا المراسل  من سائقه ان يحضر له الساعة السادسة ونصف ليأخذه هو والمصور الى مكان المؤتمر -------الاستاذ عادل  تجمع هو واصدقائه والكثيرين من المثقفين للمتابعة وفهم  تفكير هذه الشريحه من   سكان وشعب  مصر كيف يفكرون وماهى اتجاهتهم  وقد  دعو نخبه من المثقفين وقد تلاقى الاستاذ عادل مع  عمه  فلوط افندى وقال  له ياعمى  دا الاجتماع الاول لك انت  واصدقائك انا واصدقائى والناس  اللى انضموا معنا لمتابعة المؤتمر مش حانتدخل فى اى شئ   احنا بس عاوزين نسمعكم  ياعمى وحانكتب كل افكاركم على اساس  ان فى نهايه المؤتمر  نكون كونا  فكره كبيره عن  تفكيركم ونبتدى  نناقش معكم  ازاى نصحح كل  شئ معا -------------------------------الساعة  الخامسة عصرا  وقد تم وضع تم الانتهاء من فرش الصوان وتجهيزة بالكراسى والفراشة وقد تم توصيل السماعات  وكل شئ  بقى فى اجمل  مظهر وتجهيز منظم  الساعة الان تقترب  من السادسة والنصف وقد حضرت  سيارة فان كبيره  سوداء  يقودها الريس ادريس السائق  جار فلوط افندى  وارتجل من السياره  فى اتجاه  فلوط افندى والاستاذ عادل عند اول الصوان  يلقى عليهما السلام  قائلا السلام عليكم   فلوط افندى استاذ  عادل  ازى حضرتك  ردوا عليه السلام وبعد السلام  التفت  عم ادريس  الى  فلوط  افندى  مخاطبا  بلهجته النوبية الطيبه الجميله شوف  يافلوط  ياخويا   البيه المراسل بتاع المحطه اللى انا  شغال  فيها السى ان ان  جيه معايا هو والمصور وبيستاذنوا  يحضروا المؤتمر بتاعك فلوط افندى تنح لبرهة واستاذ عادل  متمتم سى ان ان سى ان ان حتة واحده   رد فلوط افندى قاله   ياعنى السى ان دول  بتوع ايه بلاافية  علشان اعرف اديهم واجبهم  قاطعه عادل قاله  ياعمى  دى اكبر محطه تلفزيونية فى العالم ---------- ياعمى الموضوع  كدا كبير  لازم تاخد بالك من كل  كلمه حاتتقال الناس دى مش  بتهزر ابتسم فلوط وقاله مالك  مخضوض كدا  هو انت  فاكرنى مش عارف حااقول ايه  انا حااشرفك  ياابن اخويا  انا ورجالتى روح مع عمك ادريس  رحب بس  بالراجل وخليهم  ييجوا  يختاروا المكان اللى يحبوا يقعدوا احنا ناس نفهم بالاصول وهو ضيفنا  يقعد  فى المكان اللى يحبه وياخد واجبه  وذهب الاستاذ عادل مع عم ادريس للترحيب  بالمراسل  وصافح الاستاذ  عادل الضيف وعرفه  بنفسه  ورد الضيف  وانا اسمى  جون الكسندر من اصل انجليزى وعايش هنا فى القاهره من 18 سنة تبسم الاستاذ عادل وقال ماشاء الله انت بتتكلم مصرى زيينا ولا ولاد البلد ابتسم جون  قائلا  وشربت من النيل واكلت فول على العربية   كل  يوم مع عم ادريس  وحابب  اشوف  اول مؤتمر  لفلوط افندى واحنا جايين بالطريق  عم ادريس  قالى  المختصر عن فلوط افندى يحاول يثنينى ان مافيش  شئ ممكن يكون مهم  بهذا المؤتمر وانا اجبته بالنفى  انا اعتبر  ان  ناس زى دى لازم نسمعهم ونفهم  ازاى بيفكروا اجابه الاستاذ عادل وانا اتفقت مع اصدقائى  ان هذا المؤتمر نسمعهم على سجيتهم بدون اى تاثير مننا كاطبقة مثقفه حتى نسمعهم جيدا جدا واصطحب الاستاذ عادل  المراسل جون ومعه المصور بمعداته وقد اختار جون  ان  يجلس فى الجانب الايمن  باول  الصف والمصور  يكون فوق على المسرح  ليتمكن من تصوير  كل اللقطات وباقى نصف  ساعة على بدايه المؤتمر وابتدى توافد المدعوين باعداد كبيرة وكل  وفد من الضيوف  يااتى على راسهم  معلم كل منطقة ومن خلفه صبيانه والكل فى ابهى ملابسة البلدى وزينته والكثير  خلف كبيرهم  من  شباب كل كبير ومعه شباب منطقته وفلوط افندى  يلاقى كل كبير   بالاحضان وياخذه  الى المكان الذى سيجلسون   فيه ومعهم عزوتهم من الرجال وباقى على افتتاح المؤتمر اقل من 10  دقائق وقد امتلى الصوان على اخره  فى انتظار  صعود   فلوط افندى على المسرح -------------------------------   يتبع                                                                 

الحلقة الرابعة (فلوط أفندى ) قرار مثير بختام اجتماع العائلة

احضرت فلوطة الحمص الشامى (الحلابسة) هى وابنتها رشوة  وجلس فلوط افندى وقت الاستراحه من الاجتماع يشرب الشيشه  وامتلئت  الصاله بدخان الشيشه وانتهزت رشوة الهدؤ  وأخذت المبادرة بالكلام  ---- وجهت كلامها  لبنت خالتها فاطمه وابن عمها عادل    وقالت ----- انا  بئه لما لقيت سبرتو  نازل  الثوره قولت  انا كمان  لابد  انزل  هو انا  يعنى   ماليش رائى فى البلد دى وروحت لمه بنات الحته ومعانا الست  سوسته دى  رقاصه على اديمه  انما ايه  واعيه وتفهم كل حاجة  جمعتنا انا والبت زيزى مشاكل والبت سهيير ونزلنا معاها   عند جامع  مصطفى محجوب والبهوات الاوبهه اللى هناك ادونا كل واحده  20 جنيه وصور مبارك وقالوا لينا نئول بنحبك ياريس  احنا اسفين وابصر ايه ياختى من شويه  كلام السيما دا  انا  قولتلهم يع  انا مش بحبه كبه تاخده دا  زى السم هو  والحيزبون مراته ياختى من  ساعت متولد وهو فى وشى بس اعمل ايه قولت اعصر على روحى ليمونه واقول البوقين دول  علشان مصلحه مصر  ---- قاطعتها فاطمه وقالت ليها يارشوة يابنت  خالتى اللى عملتيه برضوا دا غلط دى الناس اللى وحشه اللى  كانوا هناك وبيشجعوا الفساد والتفتت  لجوز خالتها وقالت له  ياعم فلوط ماتفهمه الصح وانت عارف كل  حاجه وياريت  تغير اسمها   بلاش اسم  رشوة دا يعنى ياعمى لو حد جيه يتجوزها وحب  يقولها بحبك  يقولها بحبك يارشوة دا حتى منظرها يبقى وحش ---- رد  فلوط وقالها افكر اغيره ممكن  اسميها نظيفه بس ماهو البيه نظيف طلع بردوا   ابن حنكه هجام على ابوه والبيه  اللى اسمه سرور طلع  معلم   وحرامى   متائصل دا  حتى البيه اللى  كانوا فالقينا بيه عز دا طلع شيخ منصر والبيه  اللى اسمه  صفوت الشريف  هع هع دا انا سمعت انه  لامؤاخذه  سمعته  بطالة ياريته كان حرامى وبس  لكن طلع لامؤاخذه  يانهار اسود وكوبيا على دى بلد --- دانا  كنت فاكر نفسى حنتيت وواد مقطع الصياعه طلعونى لامؤاخذه  بكر لسه فى الكار اه  يولاد ال ----------  قاطعه الاستاذ عادل  قاله  لا  ياعمى  احنا احسن منهم نبتدى بس نفهم ونعمل الخير لبلدنا ---- وانا حاشجعك كل   اسبوع تعمل  قعده عائلى   كدا للتوعيه  ----- قاطعه فلوط افندى وقاله هاؤ  بتقول  قعده عائليه لا ياعمونا انا عاوز اشترشح فى مجلس الشعب واعمل حزب الفلاليط واسترشح وادخل بقى البريمو بتاع البلد دى  ابقى الريس  يعنى  ماهو انا بقيت  بشوف التلفزيون وبقيت فاهم  كام كلمه اذا كان صاحبنا  بتاع فراعين  المحطه دى اللى اسمه  عكاشة  مرشح نفسه وبيقولك طلع البيريموا على ال  اس او ان واسمها ردت  فلوطة قاطعته  اه ياخويا هو انت  تقل عنه دا انت سيد سيد الرجاله وانا كمان  من وقت ماسمعت اسم النبى حارسها ثووومينه الحشاب   بتقول تشرشح نفسها قولت   انا كمان ادخل  ياانا ياالراجل ياهو يخلينى الالفة  بتاع النسوان فى مصر يانا ان اخليه راجل مصر الاول اى حد فينا يكسب -----  ضحك  عادل وفاطمه  حتى  رشوة وسبرتو  ضحكوا --  ورد عادل قاله ياعمى انت  عندك سوابق مش تنفع تترشح  قاله نعم  يعنى كل البهوات اللى لابسين  ترننكات بيضاء زى بتاعى دا مش سوابق وعلى كبير كمان  قاله للااسف  ياعمى الناس كان مخمومه بيهم  بس انت ممكن تبقى توعى اهالى الحى وتعمل ندوات زى ماتحب بس على اصول  صح  قاله انت تعرف  ياعادل  يابنى  انا ناوى اعمل  المؤتمر الاول لفللاليط على مستوى المحافظات وحاالف  محافظه محافظه كعب داير واجمع كل الفلاليط ومن  حنك المجانين بيطلع حكم والصياعه  ادب  نشيل الصياعة ونخليها ادب -----ردت  فاطمة وقالت ياعمى  احنا حانقف جنبك  بس  تفهم   الناس اللى انت حاتدعوهم للمؤتمر  بتاعك ان لازم كلنا نعمل الصح لمصر  ونتصدى  للفتوات والبطلجيه ونتصدى للحراميه ونتصدى  لبتوع الفتنه  قام  فلوط  حط  اديه فى جيوبه وقال  ليهم حابتدى ابعت  لكل الفلاليط  فى مصر علشان   نعمل   قعده فى مؤتمر وانتى يافطمه مع الاستاذ عادل جهزوا كام كلمه  نئولها  رد عادل  قاله  ياعمى   انا حااجهز  لك برنامج النقاش ولو نجح  حااكون معاك كل مره وقاله  اول  حاجه  ياعمى نعملها دلوقتى انا عازمكم  ننزل انا وانت والكل نزور اسر الشهداء ونطيب خاطرهم الجميع وافق على الفكره ----- على امل  لما يرجعوا من زيارات اهل الشهداء  يبتدوا يحضروا للمؤتمر الفلاليطى الاول -----  يتبع

الحلقة الثالثة (فلوط أفندى وملخص اجتماع الاسرة)

 اضاء السيد فلوط اللمبه الحمراء على باب الشقه وكتب  يافطه اجتماع فلوط الاول  العائلى وجلس فى وسط الصاله وعلى  يمينه حرمه المصون فلوطة --- وامامه ابنته رشوة -- وابنه  سبرتو وحضر الاجتماع الاستاذ عادل المدرس ابن اخ فلوط والاستاذة فاطمه بنت خالة  رشوة ---- وسئل كلا من عادل وفاطمه خير  ياعمى فلوط  قولت ان فى اجتماع عائلى مهم --------- فلوط تنحنح  ونظر الى زوجته فلوطة  قالها قومى يوليه هاتى  شويه  شاى لكل الحاضرين وجنب كل كوبايه شاى كوز ميه  بارده من الزير ولفه ورق تواليت   زى مابنشوف فى التلفزيون لما بيتلموا مع بعض  فى  قعده  كدا وراح ملتفت للكل  وقال  بسم  الله نبتدى الجلسة  قال يسعدنى ان معانا ناس مسئفة من العيله انا جمعتكم هنا علشان نرغى شويه فى موضوع الثوره ومستقبل البلد ----- قاطعه الاستاذ عادل قاله  ثوره ومستقبل  منين ياعمى جبت الكلام دا وانت من امتى بيشغلك المواضيع دى ياعمى رد  سبرتوا  قاله جرى ايه يابن عمى هو انت وفاطمه بس اللى  بتوع ثوره مانا كنت فى التحرير  بردوا ومش كنت ساكت  ردت رشوة قالت اه  يافاطمه ياختى  الواد سبرتو كيفنى اوى وبقيت متفشخره بيه  لما بقى كل يوم  بينزل التحرير مع الزحمه -------- ردت فاطمه قالت  برافو عليك  ياابن خالتى انا مبسوطة ان ليك حس وطنى ------ قالها معلوم وطنى  ماانا جانى يومها الاستاذ ابو دراع  النايب  بتاعنا هنا بتاع الحزب الوطنى ومعاه البيه الكوبرة الرائد  نبيل  بتاع امن الدوله ---- انا اتخدت اول مالقيتهم نادونى وقالوا لى اركب وودونى المكتب بتاع البيه ابو دراع لقيت كل  زمايلى  الهجامه  قاعدين  قولت  ايه يابيه هو فى اخباريه علينا قالى لا ياسبرتو انا جمعتكم هنا  انا والبهوات علشان انتم ناس وطنينن وعاوزينكم تنزلوا التحرير العيال الخنافس قابضين من برة علشان يبوظوا البلد واحنا قولنا حانوريهم الرجاله اللى على حق تؤدبهم وكمان كل واحد منكم ليه 1000 جنيه واى  حاجه تاخدوها من اى عيل خنفس فى الميدان حلال عليكم ونزلنا بئه وبدعنا  منا ناس على جمال وناس  هجامه على خيول ونزلنا وعينك ماتشوف الا النور  مكان فين يوجعك ادى حتى انا يومها  جنب ال 1000 جند اللى قبضتهم نطشت ماكنه ابهة وروحت السايبر  الواد  سلكه بتاع السايبر قالى دا اسمه  لاب توب ديل محترم معايا اهو  كان عاوز  يدينى فيه 100 جند قولتله لاء  انا اخليه  اتعايئ بيه ---- هو بيحكى وعادل وفاطمه عليهم علامات الحزن --- وفلوطة وبنتها رشوة بيزعرطوا وتقوله ربنا يحيمك يابنى قاطعم  عادل وقاله  ياسبرتوا الل انتوا عملتوه دا اكبر غلط انا فى ثوره علشان اللى   كانوا حاكمنا  مش مضبوطين ولازم  نغير النظام -------------- هنا تدخل فلوط وقاله عفارم عليك  ياض اللى خلف مامتش وانت مجدع زى ابوك انا بقى عاوز اغير النظام ------ مش احنا بلائفيه بتواع العشوئيات كل ماحد  يتكلم  فى المخروب التلفزيون يقول العشوئيات كااننا كوخه او مش من البلد دى  عملتوا لينا انتوا ايه والبهوات الحراميه  بدل ماكل  شويه يعايرونا كانوا علمونا ونضفونا مش كل  شويه يرموا علينا كلام يقولوا سكان العشوئيات  هو احان  يعنى لاقينا وقولنا لاء ويقولوا زحام  البلد والعشوئيات ماهو  لو   عاوزين يحلوها كانوا حلوها هى مش كاميه ولا اختراع يعنى من  الكام مليون اللى بيهبوشها  لو كانوا  عملوا كام   بلوك مساكن فى الصحراء 10000 شقه واخدوا مربع اللى  سكانين فيه هنا جابوة على الارض وودنا  نروح  الشقق دى بالصحراء زى الوكاندة كدا لمده 3  شهور وطلعوا بالحى بتاعنا  تانى على الصح  شارع عريض واسفلت زين وميه ونور وبلائفيه مجارى وبنوا كل شقه اودتين يسترونا وحته صاله ويرجعونا على نضيف وبعدين ياخدو الحى اللى بعدنا ويعملوا كدا يعنى بلائفيه فى السنه 4 احياء  كان بعد  5  سنين تبقى القاهر كلها بئيت ابهه وكله على ابوه جديد فى جديد  عادل  وفاطمه وباقى الاسره كانوا منبهرين بالفكره  ردت فاطمه قالت ياااه ياعم فلوط لو  شوارع القاهره كلها تتعمل  كدا  تتغير القاهره وتبقى حلوة اوى ---------------------- وهنا  قال  لفلوطة يلا ياوليه انزلى بدور   حلابسه مع ليمون وناخد   همدنه  ربع ساعة ونعود ------------------- يتبع

الحلقة الثانية (فلوط أفندى واجتماع الاسرة)

اليوم   صحى فلوط افندى  باكر من نومه على غير عادته ان  يصحو متاخرا   اليوم   صحى الساعه الواحدة  ظهرا وهذا يدل على ان فى شئ هام يشغل  ذهنه  قام من النوم كعادته  عيونه مغلقه وشعره واقف كشعاع الشمس ونداى على زوجته مناديا ---------

فلوطة انتى فين ياوليه اعمليلى  كوبايه  شاى  تكون تقيله دماغى حاتشت منى  من كتر الفكر  طول الليل  وانا   واخدنى الفكر  نبتدى منين وقفت  فلوطه امام زوجها  مزمهلة  تقوله حاعملك كوباية شاى وريح فكرك ياخويا شوية انا محتجاك انا والعيال بيقوله اللى بيجيله الفكر دا  مش  بيتعالج من ابدا -------------  باغتها فلوط بنبرة  صوت حادة  قالها روحى ياوليه من ادامى على الطلاق انتى مافهمه حاجه وانا اللى  نفسى اعمل منك سيدة مصر الاولى   --------  قهقهت فلوطه  واطل  من  بين   شفتيها باقى الاسنان   كمثل  دراكولا  وهى معصبه راسها  برباط    هى اقرب فى هذا المظهر من قرصانه  عن كونها زوجه وردت عليه  ينيلك  يافلوط  سيدة مصر  يانهارك كاروه  تيجى ازاى ---- قالها ياوليه كل الحراميه ابتدوا  زينا كدا  لحد مالمعوا نفسهم وبقوا حراميه عليهم الائيمه ياوليه افهمى يلا  روحى  هاتى لى التليفون اتصل  بكل  عيلتنا وجمعى الولاد ونادى الزفت الواد سبرتو من الشارع الواد  دا كبر وعاوز اؤومن له مستقبله والبت  رشوة فين هى كمان لسه نايمه قالتله لا ياخويا  قاعده بتففرج على مسلسل ابصر ايه دا اللى فيه الواد حب البت وبيقولها  عشقى ممنوع قال  لها ناديها  وعاوزك تجيبى لى الترننج الابيض اللى اشتريته امبارح عاوز اظهر وانا  قاعد فى وسط العيال وعيلتى  زى البهوات بتوع  طره  البس الترننج الابيض  وكل مااقول كلمه واغمز ليكى تزغرطى  اعمليلى منظر ياوليه  ردت فلوطة من  عينى تحب اجيبلك  شويه النسوان اللى حوالينا  فى الشارع  وبردوا نعمل منظر ----- هرش فى  شعره وقالها لاء خلى السنوان دول لما اعمل مؤتمر  شعبى فى الشارع -----  فلوطه  شهقت  شهقه ارتجت على  اثرها جدران البيت القديم قالتله ينيلك انت صدقت نفسك  يامدهول كمان   بتتكلم خوجاتى وتئول مؤتمر حدفها  قبل ماتكمل  باقى كلماتها  بحجر شيشه كان جنب السريروقال لها يلا ياوليه سبينى  افكر وروحى اعملى اللى  قولتلك عليه   --------   طلع فلوط الصاله لقى البت رشوة واقفه ورابطه  يدها ومتسمره ادام التلفزيون  شخط فيها  انت  يازفته بتعملى ايه ورابطه اديكى ليه كدا  ردت  رشوة  قالتله  يابا ايدى  مجزوعه  من كتر مابسئف  للجدع التركى الحليوة بالمسلسل ---  ضحك فلوط وقالها لما ابوكى يبقى مشهور  يابت  حااجيبلك  عشره زى الواد دا تنقى منهم واحد تتجوزيه --------رشوة بقيت تنط  من الفرح ودماغها حاتخبط  بسقف الصاله  تؤله يابا انا عاوزة واحد زييه

        رد قاله طيب  يلا يابت وصبى الصاله علشان نعمل  قعده  عائليه انا وانتى وامك والواد  المنيل اخوكى وروحى   ضبطى مع امك الشيشة والشاى  لى ولااخوكى  لحد ماييجى باقى الناس --------  قالت ليه من عينى يابا بس  مش تنسى انا عاوزة  الجدع اللى اسمه مهند دا يابا ----------------- رد وقالها   بالك  يابت  يومها   حايجيلك  ولابس اللى على الحبل ويقولى زى بتوع الافلام كدا   يااونكل  انا عاوز  اييد  بنتك وعاوز اكمل نص  دينى -------  هللت من الفرحه وقلت  حااروح  ياباب اضبطلك حجرين شيشية وانت مخمخ  يابا وراحت رشوة تحضر الشيشة والشاى مع امها  ---------------- وفلوط بص من الشباك  وقعد ينادى  على ابنه سبرتو انت ياض  رد  سبرتوا ايوة  يابا  قله اطلع  ياض  وانت طالع هات  بكوين معسل قص  وتعالى يلا عاوزك  ------------  اول ماطلع الواد سبرتوا وفتح الباب وشاف ابوه  قاله  ايه   ياباب الجمال دا  انا  لما شوفتك فى البتاع الابيض دا فاتكرتك البيه  صفوت الشريف  جاى من طره  ايه الحلاوة دى  يابا  دا انا كدا حاتفشخر بيك ادام زمايلى  استنى اصورك صوره بالموبايل اللى لهفته من الواد حندوقة امبارح  وخليت  الواد  حسين  ابن الحاجه جملات يعرفنى ازاى اصور بيه ------  شاف  ياباب  شكلى اخر الاجة فى الصورة ازاى ----------فلوط جاب  لمبه حمراء وقال  لاابنه سبرتو عاوزك تركب دى على باب الشقة ياض وتنزل  عند  جنكش الخطاط تقوله ابويا بيدحرج عليك المسا  وبيقولك اعمله يافطه تتحط على البلكونه   يكتب فيها  اجتماع فلوط الاسرى الاول ممنوع الدخول لغير اللى من الاسره وتولع اللمبه اللحمراء على الباب  ----------------------- علشان فى كلام كبير حانقوله  هنا ------------------  يتبع

فلوط افندى الحلقة الاولى

فلوط افندى  قاعد  على القهوة  بمنطقته الشعبية وبيلعب  دمونو مع  صاحبه السيد استيك ------  وفوزى  سردينة  وهم بيلعبوا   والزحام   بالمقهى  صوت التلفزيون عالى  يذاع نشره   الاخبار عن محاكمات الفاسدين والحكم على احمد  عز  بالتجديد  15  يوما أخرين  يتوقف  فلوط عن اللعب ويقول  الجدع دا انا من زمان من اول  مازود  تمن  الحديد  قولت مش حايورد على جنة  رد عليه السيد هو دا  كان تاجر  حديد قاطعه  سردينه لا  ياعمونا دا  مقاول  كان بياخد مقاولات من الباطن وكلها  مقاولات  صقع اوى  يعنى اديه كانت فى اللبن الحليب رد فالوط وقال لهم  مافيش احلى من شغل الباطن  تبقى انت فى السليم تلعب براحتك واى حد غيرك  يلبس  فى الخشب ماهو المعلم  الكبير هو وولاده  كانوا شغالين من الباطن حتى ام العيال كانت مشاركه ام انور فى محل العجل اللى على ناصيه الشارع  بالك كمان القهوه دى بيقولوا  جمال  داخل فيها شريك ---------رد سردينه وقاله يااخى انا مش  فاهم الايام دى يقولوا  ليبرالى ويقولوا ديموئراطى ويقولوا احزاب هو احنا تبع مين ----------- انتفض  فلوط وراح قاعد فوق مسند الكرسى الخشب كرسى العفى الخيرزان وقالهم اها  ياجهله ليبرالى دى كلمه معناها  من  حتتين لى بريلى ودى جايه من   البيره البريل  ماتفهومها بئه  يعنى دى ناس بتعمل دماغ  بالبيره مش بتشوف  الواد اللى سكان فى الشارع اللى ورانا اللى مربى شعره وماسك  لوحه ورق  كل  شويه فى اديه وبيلبس طائيه من اللى بيقولها عليها كاب بتاع الشباب الروش دا وكمان  زودها وبيحط كولونيا  يئولوا عليه برفان اهو دا  ليبرالى  انا  لمحت وراء البيت عندهم ازايز بيره  كتير اوى شكله بيديها  كل  شويه --------- رد  سردينه قاله يعنى هى الاحزاب ماشيه  على حسب كل واحد بيتعاطى ايه لامؤاخذه قاله   طبعا مش انت سمعت عن حزب كانوا من كام يوم  بيعلقوا الورق بتاعه اسمه الحريه  رد  سيد استيك  قاله اها طبعا شوفت الورق بتاعه  قاله دا بئه حزب ولعه  يعنى كل واحد يبقى حر  يتعاطى ايه  انا مثلا  بتعاطى حشيش  ادخل الحزب دا وابئه حر  الفه سيجاره او على حجر   بيكيفى انا حر مادام حاطلع كارنيه الحريه بتاع  زمايلى فى الغرزه اللى هو لامؤاخذه الحزب  دا سيم بس ادام الناس رد   استيك  قاله  طيب بلا افيه  امال ايه الاشتراكيين دول  قاله يابنى دول الناس اللى  حاتعمل جمعيه مع بعض  زى ماتقول كدا الموظفين الغلابه  يعملوا جمعيه  وكل واحد  يمشى حاله   لما يئبضها -----رد  سردينه  قاله  امال الحزب اللى مايتسمى اللى كان الوطنى دا كان بيعملو ايه  جاوبه  فلوط  قاله دا بقى   كان حزب ابن هرمه كان لامم كل الهجامه والحراميه بس مش اى هجام او حرامى كان بيدخله لازم  يكون ابن حنكة  دول  قلبونا   كلنا عارف  الراجل  ابو كرش اللى كان كل  شويه  ينجح  هنا فى الحزب دا  قاله اه اللى اسمه ابو دراع --------  قاله دا بقى  بيحققوا معاه طلع ابن الهرمه نايم على خميرة  انما ايه  كام قصر  روش  على  كام حته مكنه  على البحر  فى المكان اللى بيقلعوا فيه على البحر  فى مارينا على كام  فكه مليون رد استيك وقاله ابن الهرمة مش كان باين عليه  دا  شكله كان اشفور اوى وكل  شويه اسمعه يقول الحكومه حاتعمل خطه  خمسيه  الا ايه يافلوط موضوع الخمسيه دى  قاله ياض  مش عارف الخمسينه  يعنى  يدوا للشعب  شويه فى الخمسينه وياخدوا هم البراد كله دا سيم بينهم  كل واحد تلاقيه طالع يقولك الخمسيه  ويرفع حواجبه من تحت النضاره هارش انت يعنى  دا سيم بينهم   يقلبوا بيه الناس ---------------  يرد  سردينه بزعل اوى يقول  يعنى انا اطسيت   4  سنين  علشان  سرقت  شويه غسيل معفن من  الشارع اللى ورانا والمعلم الكبير هو والوليه والعصابه معاه  مش اتطسوا ولا حكم رد  فلوط قاله  ماهو ياض دول مش  بيتطسوا ولا حايطسوا  علشان فى سيم بينهم  شغال كدا وكدا لحد مالعيال تهدا شويه  العيال بتوع الثوره دى ويرجعوا ولاد الهرمه دول  ياخدوا الخمسيته كمان  من  اهلالينا احنا ---------------- اتنطر  استيك قام  ماشى  رد سردينه وفلوط على فين ياعمونا  رد قالهم الحق انضم لااى حزب  يابا الحق نفسى  بدل ماتسوح يمكن  نلاقى حته لينا  بدل مانروح فى ابو نكله ----------- جاوبه فلوط انت اتولدت حصاوى وحاتموت حمار  ياض  ليه تروح زى القرع لبره ماانا  حااجمع حزب  ونسميه  حزب الفلاليط ومين عارف  يمكن  امسك البلد دى شويه وسعتها العب  حروئكم اوى سلموا على بعضهم  وفلوط قالهم يلا بقى نروح نرص  حجرين نعمر الطاسه ونشوف  حانعلم ايه  بحزبنا ------------------  يتبع

يوميات فلوط افندى (مقدمة)

قررت اكتب مجموعه قصصية تعالج كل  حلقة قضيه انسانية سوف اكتبها بطريقة عاميه وكل حلقة من حلقاتها من وحى خيالى البحت

اتمنى ان  تنال  قبولكم وان تعالج  كل  حلقه منها  سلبيه من  السلبيات التى نواجهها  وفلوطه افندى  هذا نموذج  موجود  بين البشر  فى 

 كل بقاع الدنيا وهو  عباره عن  عجينه من الفهلوى الغبى السليط --------------------------------------------------تابعونا