الثلاثاء، 19 أبريل 2011

سى السيد مات بفعل فاااااااعل



وانا جالس  بظلام وهدؤ اليلل فجاءه  سمعت صوت خيالى  يضحك هأ هأ هأ وابتدى صوته  ضحكاته تعلو  خاطبته مالك  ايه بيضحكك  قالى   فاكر سى السيد قولت له  سى السيد بتاع نجيب محفوظ  ضحك وقال  اااه هو بعينه رحمه الله  عليه قولت له ايه فكرك بيه يفالح راح مطلع لى  صوره وقالى  عارف صوره مين دى  استغربت قولت لا بس  شكلها مخيف اوى  مين دى  قالى دا التطور للست امينه هأ هأ ابتسمت  وقولت له  امال  سى السيد اخباره ايه  قال تعالى نسمع حوار السيد وامينه  بالعصر الجديد الله يرحم ايام زمان قبل ماتخل  فى الموضوع الست سوزان  رديت وقلت ليه ايه دخل  سوزان  ياابو الافكار  فى موضع السيد وامينه  قالى ماهى العقربه دى  وراء كل مصيبه  هى ومباركها استغربت  من منطقه وقولت له انت تتحامل عليهم وعاوز تحطهم بكل مشكله قل لى لا  خلينى افهمك واوضح لك واعرفك  قولت ليه فهمنى قالى  عمونا مبارك طول  30  سنه جوعنا وابتلانا بالفقر والبطاله صح؟ اجبته  بالموافقه صح ----- رد وقال  دا انعكس على سى السيد  بقى مش لاقى  شغلانه ولا وظيفه ولو  وجد الوظيفه لايكفى راتبه كام  يوم بالشهر  صح؟ اجبته  مضبوط  قالى دا بقى خلى  سى السيد  يلف حولين نفسه ويشتغل بدل الشغلانه  اتنين وثلاثه ويرجع البيت مهدود ومهموم وطبعا بيرجع   مكشر  وينام علشان يلحق  فى الصبح اعاده الدوران  وبقى زى الثور   فى ساقيه  واهمل  امينه  وعياله  وبقيت همومه  تطارده  دا  فى احسن حالاته لو  لقى  شغل اما لو كان عاطل يجرى على القهاوى طول النهار وبقى يتدارى عن عيون امينه ويرجع  يتسحب  باليلل  علشان  مش تفتح معاه عاوزة وعاوزه تمام؟  اجبته  صح  تمام التمام دا  كان جزء من فعل  الشيطان  سى مبارك مابال  سوزان  قفز  خيالى   قائلا  العقربه دى اس الفساد  بقى سى السيد   اتدهول وبقى غلبان بسبب  مبارك الهباب  خل مزاجه مش تمام  ولا قادر على مصروف  ولا حتى  مشاعر حب وحنان  وطبعا امينه بقى يجيلها  جنان  بتفكره تجاهل ماتعرفش  انه بقى غلبان  --- تيجى العقربه سوزان  من الناحيه التانيه  وتعمل لها هيصه ولمه وتقول  فوقى ياامينه  انا حااجيب حقك  من ابن اللذينه حانتعبه ونشرده بين مؤتمرات حقوق المراءه ونعذبه لو  طلقنا   فى حق الرؤيا ونخلعه ونطلع عينه لو تمرد  علينا عرفت انك  ياعزيزى  لو دورت وراء كل مصيبه  حتلاقى القفل مبارك  سى السيد  سابقا  مع الحيزبون سوزان امينه سابقا خلف كل مصيبه
قالى  تعالى قرب نسمع  حال  سى السيد وامينه  الان
المشهد  دا قبل  الجواز  بعدها  يادوب  بكام شهر بيتبدل الحال زى ماقولت ليك  ياصاحبى مبارك وسوزان  ضيعوا كل الحنان
بعد ماينتهى المولد  ويروح  سيد الغلبان شغله  ينزل من  صباح ربنا ويرجع  فى انصاص الليالى مش  قادر يصلب  طوله تقابله الست امينه  بتكشيره  وصرخه  عاليه  بتهيده

الست امينه :  كنت فين  ياسيد
السيد :  مساء الخير ياست امينه   انتى عارفه الشغل  وهمه   وطول النهار  شقيان وتعبان
امينه :  انت كل يوم حاتقولى الكام جمله دى  تعبان  قرفان زهقان  انت حاتصلح حالك ولا يبقى الخلع  مكانك
السيد:  ست امينه  عاوز اتعشى -----  صمت   سكون
امينه: نععععععععععم   سمعنى  ياسيد  بتقول ايه  هو انت  فاكر انى حااقوم اعمل ليك عشاء  وانتى جاى  دلوقتى وكمان هو  انت بتزود المصروف  روح من وشى الساعه دى  شوفلك فى التلاجه  زيتونه قرقض فيها
سيد : طيب  هم  فين الاود  ابوسهم قبل مانام
امينه :   اوعى تزعج الولاد   هند على النت   فاتحه الشات ومش  تفتح عليها الباب لاانها تحب تركز  مع عشرين تلاتين شاب وتقعد ترغى معاهم على الشات
سيد :   شات وباب  ربنا ياخدك يهباب (طبعا  تمتم  بيها فى سره)  قالها  طيب فين  الاولاد حسن وحسين وفؤاد
امينه : حسن فى الشارع  مع الاصحاب بيشرب  كام سيجاره ماانت عارف المزاج وفؤاد طالع  واد  عفريت بيحب  يقعد فى كافيهات مع  موزز هلافيت
سيد: واقف مكانه متنح  ومن القهر مش  قادر  يرد  واذا بصوت امينه  راااااااااااااايح فين  ياسيد
سيد : داخل انام
امينه:  انجر روح اعملى كوبايه  شاى  انا مش  قادره انام وانت  عارف  مزاجى  بيغضب من حجج نومك  كل  يوم  ياغالبان هى تحب نروح ننام ولا تعمل الشاى
رد سيد كان سريع   عمل الشاى اهون  من موضوع ننام  --------- ماهو يعينى بقى  غلبان  من افعال مبارك والست  سوزان
بقى كبيره يادوب  يااااااااااادووووووووووووووب   يعمل  شاى

قولت  لخيال طيفى الله  يعكنن ويخرب  بيتك  سوزان ومبارك  زى ماخربوا كل  بيت 
وافتكرت ايام وعز  سى السيد  وقولت   سيد  رحمه الله عليك


تنححت وقولت لطيفى  انصررررررررف وخلى بالك  انا لسه سى السيد اوعى تانى مره تعكر   حالى  وتفكرنا  بجميل الليالى

والان انصرف  ياغالى  على امل  بلقاء تانى


هناك 4 تعليقات:

غير معرف يقول...

طرح رائع جدا واسلوب خفيف الظل اتوقع لحضرتك الانتشار واتمنى واطالبك بالاستمرار دائما وسوف اتابع كتاباتك دائما عن قرب ننتظر المزيد

غير معرف يقول...

ههههههه كل دا بسبب مبارك وسوزان لاء طبعا دا باينه جنان من جيل فلتان ورجاله فقدت رجولتها وستات فقدت انوثتها ربنا يرحمنا من لخبطة القيم ويقينا شر تبادل الادوار فالحياة الزوجيه
S.A,,

غير معرف يقول...

جميل بس انت جاي اوي علي الستت ومصورها المارد الجبار والتاني المقهور الغلبان لا حرام مش دي القاعده

سمورة يقول...

مش للدرجادى يانادو الست مش مستقوية كدة زى ما انت مصورها

- عموما طرحك جميل

حدث خطأ في هذه الأداة